കുവൈത്ത് സിറ്റി : സ്വകാര്യ ലാബുകളിലും ആശുപത്രികളിലും നടത്തുന്ന പിസിആർ ടെസ്റ്റുകളുടെ വില പുനർനിർണയിച്ചു. ഒരു ടെസ്റ്റിന് 30 കെഡി ആയാണ് നിശ്ചയിച്ചത്. പിസിആർ പരിശോധനയുടെ ചെലവ് 30 കെഡി കവിയാൻ പാടില്ലെന്ന് കാണിച്ച് ആരോഗ്യ ലൈസൻസിംഗ് വകുപ്പ് ഡയറക്റ്റർ സ്വകാര്യമേഖല ആശുപത്രികളിലെയും പരിശോധന കേന്ദ്രങ്ങളിലെയും എല്ലാ ഡയറക്ടർമാർക്കും സർക്കുലർ നൽകി.
ആരോഗ്യ മന്ത്രാലയത്തിന്റെ മാനദണ്ഡങ്ങൾ പാലിക്കുന്ന സ്വകാര്യ മേഖലയിലെ ലബോറട്ടറികൾക്ക് പി സി ആർ ടെസ്റ്റ് നടത്താമെന്നും അധികൃതർ വ്യക്തമാക്കി.
