കുവൈത്ത് സിറ്റി: കുവൈത്തിൽ നേരത്തെ നിശ്ചയിച്ചിരുന്ന കർഫ്യു സമയങ്ങളിൽ മാറ്റം വരുത്തി. വൈകീട്ട് 6 മുതൽ പുലർച്ചെ 5 വരെയാണ് പുതിയ കർഫ്യൂ സമയം. ചൊവ്വാഴ്ച മുതൽ ഇത് നടപ്പിൽ വരും. ഇന്നു ചേർന്ന മന്ത്രിസഭ യോഗത്തിലാണ് ഇതു സംബന്ധിച്ച് തീരുമാനമായത്.
നിലവിൽ വൈകീട്ട് അഞ്ചുമുതൽ പുലർച്ചെ അഞ്ചുവരെയാണ് രാജ്യത്ത് കർഫ്യൂ പ്രാബല്യത്തിലുള്ളത്.
റെസ്റ്റാറൻറ്, കഫെ എന്നിവയ്ക്ക് ഹോം ഡെലിവറി സർവീസിനും അനുമതി നൽകി . വൈകീട്ട് ആറുമുതൽ രാത്രി എട്ടുവരെയാണ് അനുമതിയുള്ളത് . വൈകീട്ട് ആറുമുതൽ എട്ടു മണിവരെ റെസിഡൻഷ്യൽ ഏരിയക്ക് അകത്ത് നടക്കാനും അനുമതിയുണ്ട്. വാഹനം ഉപയോഗിക്കാനോ റെസിഡൻഷ്യൽ ഏരിയക്ക് പുറത്ത് പോകാനോ പാടില്ല.
