കുവൈത്ത് സിറ്റി: കുവൈത്തിൽ പെരുന്നാൾദിനം മുതൽ കർഫ്യൂ ഇല്ല. പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹിെൻറ അധ്യക്ഷതയിൽ ചേർന്ന മന്ത്രിസഭ യോഗമാണ് ഭാഗിക കർഫ്യൂ പിൻവലിക്കാൻ തീരുമാനിച്ചത്. രാജ്യത്ത് കോവിഡ് വ്യാപനം രൂക്ഷമായതിനെ തുടർന്നാനാണ് മാര്‍ച്ചിൽ കര്‍ഫ്യൂ ഏര്‍പ്പെടുത്തിയിരുന്നത്.
രാജ്യത്തെ കോവിഡ് സാഹചര്യവും വാക്‌സിനേഷന്‍ നിരക്കും മെച്ചപ്പെട്ടതായും ആയതിനാൽ കർഫ്യൂ പിൻവലിക്കണമെന്നും കൊറോണ കമ്മിറ്റി സർക്കാറിന് സമര്‍പ്പിച്ച റിപ്പോർട്ടിൽ ശുപാർശ ചെയ്തിരുന്നു . ഇതിൻറെ അടിസ്ഥാനത്തിൽ കൂടിയാണ് മന്ത്രിസഭാ തീരുമാനം.
