കുവൈത്ത് സിറ്റി ഓഗസ്‌റ്റ്‌ ഒന്നുമുതല്‍ പ്രവാസികള്‍ക്ക്‌ കുവൈത്തിലേക്ക്‌ നേരിട്ട്‌ പ്രവേശനം നല്‍കാന്‍ കുവൈത്ത് മന്ത്രിസഭാ യോഗത്തില്‍ അനുമതി. ഇന്ത്യയടക്കമുള്ള യാത്രാ നിരോധനമുള്ള എല്ലാ രാജ്യങ്ങളില്‍ നിന്നും വിദേശികള്‍ക്ക്‌ കുവൈത്തിലേക്ക്‌ നേരിട്ട്‌ പ്രവേശിക്കാം. സാധുവായ റെസിഡന്‍സിയും കുവൈത്ത് അംഗീകരിച്ച വാക്‌സിനുകളില്‍ ഏതെങ്കിലും രണ്ട്‌ ഡോസും സ്വീകരിച്ചവര്‍ക്കാണ്‌ പ്രവേശനാനുമതി. കോവിഡ് ബാധിതരല്ല എന്ന്‌ തെളിയിക്കുന്നതിനായി യാത്രചെയ്യുന്നതിന്‌ 72 മണിക്കൂര്‍ മുന്‍പ്‌ എടുത്ത പിസിആര്‍ പരിശോധനാ ഫലവും ഹാജരാക്കണം. അതോടൊപ്പം കുവൈത്ത് അന്താരാഷ്ട്ര വിമാനത്താവളത്തിലെത്തിയ ശേഷം വീണ്ടും കോവിഡ് പരിശോധന നടത്തുകയും ഏഴു ദിവസം ഹോം ക്വാറന്റൈന്‍ അനുഷ്‌ഠിക്കുകയും വേണം.
