കുവൈത്ത് സിറ്റി: ജസീറ എയർവേയ്‌സ് കുവൈത്തിൽ നിന്ന് ബെംഗളൂരുവിലേക്ക് നേരിട്ടുള്ള വിമാന സർവീസ് ആരംഭിച്ചു. ഇതിനോടനുബന്ധിച്ച് ജസീറ എയർവേയ്‌സിന്റെ ഹെഡ് ഓഫീസിൽ സംഘടിപ്പിച്ച പരിപാടി ഇന്ത്യൻ എംബസി ഫസ്റ്റ് സെക്രട്ടറി ഡോ. വിനോദ് ഗെയ്‌ക്‌വാദ്കേക്ക് മുറിച്ചു ഉദ്ഘാടനം ചെയ്തു.ജസീറ എയർവേയ്‌സ് ഉദ്യോഗസ്ഥർ, കുവൈറ്റിലെ കർണാടക അസോസിയേഷനുകളുടെ പ്രതിനിധികൾ, മാധ്യമപ്രവർത്തകർ എന്നിവർ ചടങ്ങിൽ പങ്കെടുത്തു
കുവൈറ്റ് എയർപോർട്ടിൽ നിന്ന് ആദ്യ വിമാനം ഇന്നലെ വൈകിട്ട് 6 മണിക്ക് ബെംഗളൂരുവിലേക്ക് പുറപ്പെട്ട് പുലർച്ചെ 01:15 ന് ബെംഗളൂരു അന്താരാഷ്ട്ര വിമാനത്താവളത്തിൽ എത്തി. മടക്ക വിമാനം വെള്ളിയാഴ്ച 2മണിക്ക് ന് ബെംഗളൂരുവിൽ നിന്ന് പുറപ്പെട്ട് 4:50 ന് കുവൈത്തിലെത്തും.കുവൈറ്റിൽ നിന്ന് ബെംഗളൂരുവിലേക്ക് വ്യാഴം, ശനി ദിവസങ്ങളിൽ ജസീറ ആഴ്ചയിൽ രണ്ട് സർവീസുകൾ നടത്തും
