കുവൈത്ത് സിറ്റി: റമദാനിൽ വിശ്വാസികൾ നോമ്പെടുക്കുമ്പോൾ പകൽ സമയത്ത് നൃത്തം ചെയ്യുകയും പുകവലിക്കുകയും ചെയ്തതിന് കുവൈത്ത് പൗരനെ അറസ്റ്റ് ചെയ്തതായി ആഭ്യന്തര മന്ത്രാലയം വ്യക്തമാക്കി. സ്വദേശി യുവാവ് പുകവലിച്ചുകൊണ്ട് കാറിനു മുന്നിൽ നൃത്തം ചെയ്യുന്ന വീഡിയോ സോഷ്യൽ മീഡിയയിൽ വൈറലായിരുന്നു. ഇതിനെതിരെ നിരവധി പേരാണ് രംഗത്തെത്തിയത് . തുടർന്നാണ് ആഭ്യന്തരമന്ത്രാലയം സംഭവത്തിൽ അന്വേഷണം നടത്തുകയും യുവാവിനെ അറസ്റ്റ് ചെയ്യുകയും ചെയ്തത്.
