കുവൈത്ത് സിറ്റി: വ്യവസായിയായ ബഷർ കിവാനെ സഹായിച്ചതിന് പ്രവാസിയെ തടവിന് ശിക്ഷിച്ച കീഴ്‌ക്കോടതി വിധി പരമോന്നത കോടതി ശരിവച്ചു. 20,000 ഡോളർ കൈക്കൂലി വാങ്ങിയ കേസിൽ പിടികിട്ടാപ്പുള്ളിയാണ് കിവാൻ. ബിസിനസ് പങ്കാളിയായ ഷെയ്ഖ് സബാ ജാബർ അൽ മുബാറക് സമർപ്പിച്ച കേസിൽ കമ്പനിയുടെ മീറ്റിംഗിന്റെ മിനിറ്റ് സ വ്യാജമായി നിർമ്മിച്ചു എന്ന കുറ്റം ചുമത്തിയാണ് കിവാനെയും മറ്റൊരു പ്രതിയെയും അഞ്ച് വർഷം കഠിനതടവോടെ ക്രിമിനൽ കോടതി ശിക്ഷിച്ചത്. എന്നാൽ ഇയാൾ നിയമവ്യവസ്ഥയെ കബളിപ്പിച്ച് രാജ്യംവിട്ട് പോവുകയായിരുന്നു . ബഷർ കിവാനെ അബ്ദാലി അതിർത്തി വഴി ബസ്രയിലേക്ക് കടത്തിയ ഈജിപ്ഷ്യൻ ട്രക്ക് ഡ്രൈവറെ സുരക്ഷാ അധികൃതർ അറസ്റ്റ് ചെയ്തു.അതോടൊപ്പം കിവാനെ അബ്ദാലി അതിർത്തിയിലേക്ക് കൊണ്ടുപോയ ഒരു ഇന്ത്യൻ ഡ്രൈവറും ഡ്രൈവർമാരുമായി ചേർന്ന് കിവാനെ രാജ്യത്ത് നിന്ന് പുറത്തുകടക്കാൻ സഹായിച്ച സഹോദരനും പിടിയിലായിരുന്നു. ഈജിപ്ഷ്യൻ ഡ്രൈവർ ബഷർ കിവാനെ ബസ്രയിലേക്ക് കടത്തിയെന്നത് എടുത്തുപറയേണ്ടതാണ്, തുടർന്ന് കിവാൻ തന്റെ ഫ്രഞ്ച് പാസ്‌പോർട്ട് ഉപയോഗിച്ച് ബെയ്‌റൂട്ടിലേക്ക് പുറപ്പെട്ടു, അവിടെ നിന്ന് യുഎഇയിലെ അബുദാബിയിലേക്ക് യാത്ര ചെയ്യുകയായിരുന്നു..
