കുവൈറ്റ് സിറ്റി: കുവൈറ്റില്‍ സബാന്‍ പ്രദേശത്തെ ഫാക്ടറിയില്‍ തീപിടിത്തം.5 അഗ്നിശമന യൂണിറ്റുകൾ സംഭവസ്ഥലത്തെത്തി തീയണച്ചു. ഏറെ പണിപ്പെട്ടാണ് 3200 ചതുരശ്ര മീറ്റർ വിസ്തീർണ്ണമുള്ള ഫാക്ടറിയിലെ തീയണച്ചത്. സബാൻ, മുബാറക് അൽ കബീർ, സൽമിയ, അൽ അർദിയ, അൽ ഇസ്നാദ് കേന്ദ്രങ്ങളിൽ നിന്നുള്ള അഗ്നിശമനസേന അംഗങ്ങളാണ് രക്ഷാപ്രവർത്തനത്തിന് നേതൃത്വം നൽകിയത്. തീപിടിത്തത്തിൽ ആർക്കും ആളപായമില്ല. അപകടകാരണങ്ങൾ കണ്ടെത്തുന്നതിനും നിയമലംഘനങ്ങൾ നിരീക്ഷിക്കുന്നതിനുമായി അഗ്നി അപകട പ്രതിരോധ നിയന്ത്രണ സംഘം അന്വേഷണം ആരംഭിച്ചു.
