ഫ്രണ്ട്‌സ് ഓഫ് കണ്ണൂർ കുവൈറ്റ് എക്സ്പാറ്റ്‌സ് അസ്സോസിയേഷൻ (ഫോക്ക്) ഫാഹഹീൽ യൂണിറ്റിന്റെ നേതൃത്വത്തിൽ ഇന്ത്യയുടെ 73ാ൦ റിപ്പബ്ലിക്ക് ദിന വാർഷികാഘോഷത്തോടനുബന്ധിച്ച് ബാലവേദി കുട്ടികൾക്കായി ക്വിസ് മത്സരം സംഘടിപ്പിച്ചു. കുട്ടികളിൽ ദേശീയബോധം വളർത്തിയെടുക്കുക എന്ന ലക്ഷ്യത്തോടെ സംഘടിപ്പിച്ച ക്വിസ് മത്സരം വനിതാ വേദി ജനറൽ കൺവീനർ ശ്രീഷ ദയാനന്ദൻ നിയന്ത്രിച്ചു. അൻപതിലധികം കുട്ടികൾ പങ്കെടുത്ത മത്സരത്തിൽ ജൂനിയർ വിഭാഗത്തിൽ ഇഷാൻ ഗോവിന്ദ് ഒന്നാം സ്ഥാനവും, ദേവപ്രിയ ദീപക് രണ്ടാം സ്ഥാനവും, ഏബൽ പ്രവീൺ മൂന്നാം സ്ഥാനവും കരസ്ഥമാക്കി. സീനിയർ വിഭാഗത്തിൽ അനുഷിഖ ശ്രീജ വിനോദ് ഒന്നാം സ്ഥാനവും, അദിത് ബാലകൃഷ്ണൻ രണ്ടാം സ്ഥാനവും, അനാമിക സോമൻ മൂന്നാം സ്ഥാനവും കരസ്ഥമാക്കി.
ഫാഹഹീൽ യൂണിറ്റ് ജോ. സെക്രട്ടറി അനീഷ് നാരായണൻ സ്വാഗതം പറഞ്ഞ ചടങ്ങിൽ ഫോക്ക് പ്രസിഡന്റ് സേവ്യർ ആന്റണി റിപ്പബ്ലിക്ക് ദിന സന്ദേശം നൽകി. ബാലവേദി കോർഡിനേറ്റർ വിനോദ് കുമാർ ആശംസകൾ നേർന്ന് സംസാരിച്ചു. കേന്ദ്രകമ്മിറ്റിയംഗം രംജിത്ത് കുമാർ ചടങ്ങിന് നന്ദി രേഖപ്പെടുത്തി.
