പത്തനംതിട്ട/കോട്ടയം: പത്തനംതിട്ട, കോട്ടയം ജില്ലകളിൽ ഉരുള്‍പൊട്ടലുണ്ടായി. എരുമേലിയിലാണ് ഉരുള്‍പൊട്ടല്‍ റിപ്പോർട്ട് ചെയ്തത്. കീരിത്തോട് പാറക്കടവ് മേഖലയില്‍ ഇന്ന് പുലര്‍ച്ചയോടെയാണ് ഉരുള്‍പൊട്ടലുണ്ടായത്. ആളപായമില്ല. പ്രദേശത്ത് മൂന്ന് വീടുകള്‍ക്ക് കേടുപാടുണ്ടായി.
പത്തനംതിട്ടയിലെ കോന്നി കൊക്കാത്തോട് മേഖലയിലാണ് ഉരുള്‍പൊട്ടലുണ്ടായത്. ഇവിടെ വനമേഖലയില്‍ ഉരുള്‍പൊട്ടിയതായി സംശയമുണ്ട്. അഞ്ചോളം വീടുകൾ വെള്ളത്തിലായി. പ്രദേശവാസികളെ സുരക്ഷിത ഇടങ്ങളിലേക്ക് മാറ്റിപാർപ്പിച്ചു. പ്രദേശത്ത് കൃഷി നാശവും സംഭവിച്ചു. കോട്ടയത്തും ശക്തമായ മഴ പെയ്തു എന്നാൽ ഇപ്പോള്‍ മഴ മാറി നില്‍ക്കുകയാണ്.
