കുവൈത്ത്സിറ്റി: ഇന്ത്യന് ബിസിനസ് ആന്ഡ് പ്രൊഫഷണല് കൗണ്സില് (IBPC കുവൈറ്റ്) 2024 ഏപ്രില് 20-ന് വൈകുന്നേരം SIMS സ്കൂള് ഓഡിറ്റോറിയത്തില് വെച്ച് ഇന്ത്യന് സ്കൂളുകള്ക്കും വിദ്യാര്ത്ഥികള്ക്കുമായി ‘മെറിറ്റോറിയസ് അവാര്ഡ്’ ചടങ്ങ് സംഘടിപ്പിച്ചു. സാംസ്കാരിക രംഗത്തെ പ്രമുഖര്, സ്കൂള് പ്രിന്സിപ്പല്മാര്, വിദ്യാര്ത്ഥികള്, രക്ഷിതാക്കള്, IBPC അംഗങ്ങള് എന്നിവര് ചടങ്ങില് പങ്കെടുത്തു. ഐബിപിസി യൂട്യൂബ് ചാനലിലെ തത്സമയ സ്ട്രീമിംഗിലൂടെ ഒട്ടനവധി ആളുകൾ പരിപാടി കണ്ടു.
ഈ വര്ഷം, 10, 12 ക്ലാസുകളില് CBSE ബോര്ഡില് 95% ഉം അതിനുമുകളിലും ഉയര്ന്ന നിലവാരം പുലര്ത്തിയ 134 വിദ്യാര്ത്ഥികളെ സിംസ് സ്കൂള് ഓഡിറ്റോറിയത്തില് നടന്ന ചടങ്ങില് ആദരിച്ചു.
കുവൈറ്റിലെ ഇന്ത്യന് അംബാസഡര് ഡോ. ആദര്ശ് സൈ്വക ദീപം തെളിച്ചതോടെയാണ് ചടങ്ങുകള് ആരംഭിച്ചത്. അവാര്ഡ് നേടുന്നതിനപ്പുറം, വിദ്യാര്ത്ഥികള് ആത്മവിശ്വാസത്തോടെ മുന്നേറാനാണ് ശ്രമിക്കേണ്ടതെന്ന് അംബാസഡര് ഡോ.ആദര്ശ് സൈ്വക ആഹ്വാനം ചെയ്തു. ‘വികസിത് ഭാരത്’ ലക്ഷ്യമാക്കി ഇന്ത്യയെ ശക്തമാക്കുന്നതില് പങ്കാളികളാകാന് അദ്ദേഹം വിദ്യാര്ത്ഥികളോടെ ആവശ്യപ്പെട്ടു. ഐ.ബി.പി.സി ഭാരവാഹികളായ ഗുര്വിന്ദര് സിംഗ് ലാംബ (ചെയര്മാന്),കൈസര് ഷാക്കിര് (വൈസ് ചെയര്മാന്) കെ.പി സുരേഷ് (ജോയിന്റ് സെക്രട്ടറി). സുനിത് അറോറ (ട്രഷറര്) എന്നിവര് സന്നിഹിതരായിരുന്നു.
മാസ്റ്റര് രോഹിത് കുവൈറ്റിന്റെയും ഇന്ത്യയുടേയും ദേശീയ ഗാനങ്ങള് ആലപിച്ചു. പരിപാടിയുടെ ഡയറക്ടര് സുനിത് അറോറ അതിഥികള്ക്ക് സ്വാഗതം ആശംസിക്കുകയും അവാര്ഡുകളുടെ ചരിത്രവും പ്രാധാന്യവും വിവരിച്ചു.
ഗുര്വിന്ദര് സിംഗ് ലാംബ യുവ മിടുക്കന്മാര്ക്ക് പ്രഭാഷണം നടത്തി. ഇന്ത്യന് സമൂഹത്തിനിടയില് വിദ്യാഭ്യാസ മികവ് പ്രോത്സാഹിപ്പിക്കുന്നതിനുള്ള IBPC-യുടെ പ്രതിബദ്ധതയാണ് ഇത്തരം അവാര്ഡുകളെന്ന് ജോയിന്റ് സെക്രട്ടറി കെ.പി സുരേഷ് തന്റെ നന്ദി പ്രസംഗത്തില് വ്യക്തമാക്കി.
ഈ വര്ഷം, സിബിഎസ്ഇ ബോര്ഡില് 10, 12 ക്ലാസുകളില് 95% ഉം അതിനുമുകളിലും യോഗ്യത നേടിയ 134 വിദ്യാര്ത്ഥികളെ ചടങ്ങില് ആദരിച്ചു. സ്വര്ണ-വെള്ളി മെഡലുകള് ഒപ്പം, ക്യാഷ് പ്രൈസുകളും ഷോപ്പിംഗ് വൗച്ചറുകളും വിദ്യാ്തഥികള്ക്ക് നല്കുകയുണ്ടായി.