ഐ എൻ എൽ സംസ്ഥാന പ്രസിഡന്റ് പ്രൊഫസർ എ പി അബ്ദുൽ വഹാബിനെയും ജനറൽ സെക്രട്ടറി സി പി നാസർകോയ തങ്ങളെയും ആറു വർഷത്തേക്ക് പാർട്ടിയിൽ നിന്നും പുറത്താക്കി കൊണ്ടുള്ള വ്യാജ ദേശീയ കമ്മറ്റിയുടെ തീരുമാനം തള്ളിക്കളയുന്നതായി കുവൈത്ത് ഐ എം സി സി യുടെ അടിയന്തിര സെക്രട്ടേറിയേറ്റ് യോഗം പ്രസ്ഥാവിച്ചു., കഴിഞ്ഞ പതിനേഴു വർഷമായി ഒരിക്കൽ പോലും മെമ്പർഷിപ്പോ ജനാതിപത്യ രീതിയിൽ തിരഞ്ഞെടുപ്പൊ നടത്താത്തെയാണ് അഖിലേന്ത്യാ കമ്മറ്റി എന്ന പേരിൽ ചിലർ ഓൺലൈൻ വഴി യോഗം ചെർന്നതായി പറയുന്നത് . മെമ്പർഷിപ് അടിസ്ഥാനത്തിൽ ജനാധിപത്യ രീതിയിൽ നിലവിൽ വന്ന കേരള സംസ്ഥാന കമ്മറ്റിയേയോ അതിന്റെ ഭാരവാഹികളെയോ നീക്കം ചെയ്യാനോ പുറത്താക്കാനോ ഒരു അവകാശവും ഇല്ലാത്ത ഇത്തരക്കാരുടെ നീക്കങ്ങൾ കേരളത്തിലെ ഐ എൻ എൽ പ്രവർത്തകർ അർഹിക്കുന്ന അവജ്ഞയോടെ തള്ളിക്കളയുമെന്നും കുവൈത്ത് ഐ എം സി സി സെക്രട്ടേറിയറ്റ് യോഗം അംഗീകരിച്ച ‘പ്രമേയം പറഞ്ഞു. നേരത്തെ തമിഴ്‌നാട് രാഷ്ട്രീയത്തിൽ സജീവ സാന്നിധ്യം ആയിരുന്ന ഐ എൻ എൽ നെ ഇതേ ആളുകൾ തന്നെയാണ് തമിഴ്‌നാട്ടിൽ അഞ്ച് പാർട്ടിയാക്കി പിളർത്തി നശിപ്പിച്ചതെന്നും കഴിഞ്ഞ തദ്ദേശ തിരഞ്ഞെടുപ്പിൽ ഒരു പഞ്ചായത്ത്‌ വാർഡ് സീറ്റിൽ പോലും മത്സരിക്കാൻ കഴിയാത്ത വിധം നാമാവശേഷമാക്കിയതെന്നും സെക്രട്ടേറിയറ്റ് യോഗം വിലയിരുത്തി. യോഗത്തിൽ പ്രസിഡന്റ് സത്താർ കുന്നിൽ അദ്ധ്യക്ഷത വഹിച്ചു . ചെയർമാൻ ഹമീദ് മധൂർ ഉൽഘാടനം ചെയ്തു.ഉമ്മർ കൂളിയങ്കാൽ, മുനീർ പാപ്പിനശ്ശേരി. റഷീദ് ഉപ്പള , സിറാജ് പാലക്കി, മുനീർ തൃക്കരിപ്പൂർ , അബ്ബാസ് ബേക്കൽ, ഇൽയാസ് പിത്താരി , അബുബൈർ, റിയാസ് തങ്ങൾ കൊടുവള്ളി , എന്നിവർ പ്രസംഗിച്ചു ജനറൽ സെക്രട്ടറി ശരീഫ് താമരശ്ശേരി സ്വാഗതവും സ്വാഗതവും എ ആർ അബൂബക്കർ നന്ദിയും പറഞു.
