ജറുസലേം: അധിനിവേശ കിഴക്കന്‍ ജറുസലേമില്‍ വ്യോമാക്രമണം ശ്കതമാക്കി ഇസ്രായേല്‍. ആക്രമണത്തില്‍ മൂന്ന് കുട്ടികളുള്‍പ്പടെ 20 ഫലസ്തീനികള്‍ കൊല്ലപ്പെട്ടതായി ഗാസ ആരോഗ്യ മന്ത്രാലയം അറിയിച്ചു. 65 ലധികംപേര്‍ക്ക് പരിക്കേറ്റതായും റിപ്പോർട്ടുണ്ട്. ഗാസ മുനമ്പിലെ ഹമാസ് കേന്ദ്രങ്ങള്‍ക്ക് നേരെ ആക്രമണം ആരംഭിച്ചതായി ഇസ്രാഈല്‍ സൈന്യം അറിയിച്ചിട്ടുമുണ്ട്.
തിങ്കളാഴ്ച രാവിലെ അല്‍ അഖ്‌സയില്‍ പ്രാര്‍ത്ഥിക്കാനെത്തിയവര്‍ക്ക് നേരെ ഇസ്രാഈല്‍ സേന ആക്രമണമഴിച്ചുവിട്ടിരുന്നു. സേന നടത്തിയ ആക്രമണത്തില്‍ മസ്ജിദില്‍ പ്രാര്‍ത്ഥനയ്ക്കായെത്തിയ ഫലസ്തീനികളില്‍ നൂറിലേറെ പേര്‍ക്ക് പരിക്കേറ്റിരുന്നു.
