കുവൈത്ത് സിറ്റി: കാസർഗോഡ് എക്സ്പാർട്ടിയേറ്റ് അസോസിയേഷൻ(കെ ഇ എ ) കുവൈത്ത് ഫർവാനിയ ഏരിയ കമ്മിറ്റി 2020 ഏപ്രിൽ 11 മുതൽ 22 വരെ കോവിഡ് എന്ന മഹാമാരിയിൽ വിറങ്ങലിച്ചുനിൽക്കുമ്പോൾ ഏരിയ മെമ്പർ മാരുടെ മാനസിക പിരിമുറുക്കത്തിനു അയവുവരാൻ ഏരിയ ജനറൽ വാട്ട്സപ്പ് ഗ്രൂപ്പിൽ നടത്തിയ ക്വിസ്സ് മത്സരത്തിലെ വിജയികൾക്കും, ക്വിസ്സ് മാസ്റ്റർമാർക്കും മത്സരത്തിൽ പങ്കെടുത്ത അംഗങ്ങൾക്കും ഉള്ള ഉപഹാരങ്ങൾ കൈമാറി.
കോവിഡ് നിയന്ത്രങ്ങൾ നിലനിൽക്കുന്നതിന്റെ അടിസ്ഥാനത്തിൽ, പ്രധാനകേന്ദ്ര നേതാക്കളെയും ഏരിയ സജീവ പ്രവർത്തകരെയും മാത്രം ഉൾപ്പെടുത്തി കൊണ്ട് ഫർവാനിയ ബദർ അൽ സമ ക്ലിനിക് ഹാളിൽ വെച്ചു നടന്ന ചടങ്ങിൽ ഒന്നാം സമ്മാനാർഹയായ ഹസീന ആബിദ്ന് KEA ചീഫ് പാട്രൺ സത്താർ കുന്നിലും,
രണ്ടാം സമ്മാനത്തിന് അർഹനായ ഷെഹ്‌സാദിന് KEA ജനറൽ സെക്രട്ടറി നളിനാക്കഷൻ ഒളവറയും, മൂന്നാ സമ്മാനാർഹനായ ഷാഖിബിന് KEA ട്രഷറർ CH മുഹമ്മദ്‌ കുഞ്ഞി എന്നിവരും ക്വിസ്സ് മാസ്റ്റർമാരായ അസർ കുമ്പള , ഷുഹൈബ് ഷെയ്ഖ് എന്നിവർക്ക് KEA ഓർഗനൈസിംഗ് സെക്രട്ടറി സുധൻ ആവിക്കര, ഏരിയ കോർഡിനേറ്റർ അസീസ് തളങ്കര എന്നിവർ ഉപഹാരങ്ങൾ കൈമാറി.
വിജയികൾക്കും മത്സരത്തിൽ പങ്കെടുത്ത അംഗങ്ങൾക്കും KEA ഫർവാനിയ ഏരിയ കമ്മറ്റി, ബദർ അൽ സമ ക്ലിനിക് , സുരേഷ് കൊളവയൽ, ഇക്ബാൽ പെരുമ്പട്ട, അസർ കുമ്പള , ഷുഹൈബ് ഷെയ്ഖ് എന്നിവർ സ്പോൺസർ ചെയ്ത പ്രോത്സാഹന സമ്മാനങ്ങൾ ബദർ അൽ- സമ ക്ലിനിക് ബിസിനസ്‌ ഡെവലപ്പ്മെന്റ് കോർഡിനേറ്റർ അബ്ദുൽ അനസ് , ജലീൽ ആരിക്കാടി, സുരേഷ് കൊളവയൽ, ഇക്ബാൽ പെരുമ്പട്ട എന്നിവർ സമ്മാനിച്ചു.
ചടങ്ങിൽ ഏരിയ ഓർഗനൈസിങ് സെക്രട്ടറി അനിൽ ചീമേനി, എക്സിക്യൂട്ടീവ് മെമ്പർമാരായ റിഫായ് പേരാൽ, അബുബക്കർ ജിഫ്‌രി എന്നിവരും സംബന്ധിച്ചു.
