കുവൈറ്റ് : കെഫാക് അന്തർ ജില്ലാ ഫുട്ബോൾ മാസ്റ്റേഴ്സ് – സോക്കർ ലീഗ് ഫൈനൽ ലൈനപ്പായി .മാസ്റ്റേഴ്സ് ഫൈനലിൽ ഫോക് കണ്ണൂർ – കോഴിക്കോടിനെ നേരിടും. കാസർഗോഡും എറണാകുളവും തമ്മില്‍ സോക്കർ ലീഗ് ഫൈനലില്‍ ഏറ്റുമുട്ടും.
കഴിഞ്ഞ ദിവസം ഫഹാഹീൽ സൂഖ് സബ സ്റ്റേഡിയത്തിൽ വെച്ച് നടന്ന മാസ്റ്റേഴ്സ് വിഭാഗത്തിലെ വാശിയേറിയ ആദ്യ സെമി ഫൈനൽ മത്സരത്തിൽ കോഴിക്കോട് എതിരില്ലാത്ത രണ്ടു ഗോളുകൾക്ക് തിരുവനന്തപുരത്തെ പരാജയപ്പെടുത്തി .വിജയികൾക്ക് വേണ്ടി ഷൈജു , സഹീർ എന്നിവർ ഗോളുകൾ നേടി. രണ്ടാം സെമി ഫൈനലിൽ ഫോക്ക് കണ്ണൂർ എതിരില്ലാത്ത നാല് ഗോളുകൾക്ക് എംഫാക് മലപ്പുറത്തെ പരാജയപ്പെടുത്തി . വിജയികൾക്ക് വേണ്ടി ഫൈസൽ ഇബ്രാഹിം രണ്ടും ലത്തീഫ് ,ഉണ്ണി കൃഷ്ണൻ എന്നിവർ ഓരോ ഗോളുകൾ നേടി
സോക്കർ ലീഗിലെ വാശിയേറിയ ആദ്യ സെമി ഫൈനലിൽ എറണാകുളത്തെ രണ്ടിനെതിരെ മൂന്ന് ഗോളുകൾക് തിരുവന്തപുരം പരാജയപ്പെടുത്തി ഫൈനലിൽ കടന്നു . എറണാകുളത്തിന് വേണ്ടി സിറാജ് , അബിൽ എന്നിവർ ഗോളുകൾ നേടിയപ്പോൾ സംഗീത് തിരുവനന്തപുരത്തിന് വേണ്ടി ആശ്വാസ ഗോൾ നേടി . കരുത്തന്മാര്‍ ഏറ്റുമുട്ടിയ രണ്ടാം സെമി ഫൈനലിൽ കെ.ഇ.എ കാസർഗോഡ് കോഴിക്കോടിനെ പരാജയപ്പെടുത്തി ഫൈനലിൽ കടന്നു. മുഴുവൻ സമയവും ശേഷം എക്സ്ട്രാ ടൈമിലും ഗോൾ രഹിത സമനില ആയപ്പോൾ വിജയികളെ കണ്ടെത്തിയത് ടൈബ്രെക്കറിലാണ്.അടുത്ത ആഴ്ച നടക്കുന്ന ഫൈനൽ മത്സരത്തിൽ കാസർഗോഡ് എറണാകുളത്തെ നേരിടും.
