കണ്ണൂരിൽ ഫൂട്ബോൾ മത്സരത്തെ ചൊല്ലിയുള്ള തർക്കത്തിൽ ഒരാളുടെ കാലിന് വെട്ടേറ്റു.സംഭവത്തിൽ 3 പേർക്ക് പരിക്കേറ്റു. അലക്സ് , അനുരാഗ് , നകുലൻ , ആദർശ് എന്നിവർക്കാണ് പരിക്കേറ്റത്. ഇതിൽ അനുരാഗിന് കാലിൽ വെട്ടേറ്റിട്ടുണ്ട്. പള്ളിയാം മൂലയിൽ ഇന്നലെ രാത്രി 12 മണിയോടെയാണ് സംഭവം. സംഭവത്തിൽ 5 പേരെ ടൗൺ പോലീസ് കസ്റ്റഡിയിൽ എടുത്തു. ഫ്രാന്‍സ്- അര്‍ജന്റീന മത്സരത്തിന് പിന്നാലെ ഫ്രാന്‍സ് ആരാധകരെ ഒരുസംഘം കളിയാക്കുകയതോടെയാണ് പ്രശ്‌നങ്ങള്‍ക്ക് തുടക്കമായത്. നേരത്തെ ലോകകപ്പ് മത്സരത്തില്‍ ബ്രസീല്‍ തോറ്റപ്പോഴും ഇതേ സ്ഥലത്ത് സംഘര്‍ഷമുണ്ടായിരുന്നു.
