തിരുവനന്തപുരം മസ്കറ്റ് ഹോട്ടലിൽ ഇന്ന് ഉച്ചക്ക് മുഖ്യമന്ത്രി ഒരുക്കുന്ന ക്രിസ്മസ് വിരുന്നിന് ഗവർണർ ആരിഫ് മുഹമ്മദ് ഖാനെ ക്ഷണിച്ചില്ല, ഗവർണറുടെ വിരുന്നിൽ നിന്ന് മാറിനിന്ന പ്രതിപക്ഷം മുഖ്യമന്ത്രിയുടെ പരിപാടിയിൽ പങ്കെടുക്കുമെന്ന് ഉറപ്പാണ്. സാമൂഹിക സാംസ്കാരിക രംഗത്തെ പ്രമുഖരും മതമേലധ്യക്ഷന്മാരും വിരുന്നിനെത്തും.
ഗവർണറും സർക്കാരും തമ്മിൽ പരസ്യ പോര് നടക്കുന്നതിനിടയിലാണ് മുഖ്യമന്ത്രി വിരുന്ന് സംഘടിപ്പിച്ചത്. ഗവർണർ ആരിഫ് മുഹമ്മദ് ഖാൻ സംഘടിപ്പിച്ച ക്രിസ്മസ് വിരുന്നിലേക്ക് മുഖ്യമന്ത്രിക്കും മന്ത്രിമാർക്കും പ്രതിപക്ഷ നേതാവിനും ക്ഷണമുണ്ടായിരുന്നു, എന്നാൽ ആരും പരിപാടിയിൽ പങ്കെടുക്കാൻ തയ്യാറായില്ല.
