എല്‍എല്‍ബി പരീക്ഷയില്‍ കോപ്പിയടിച്ചതിന് പിടിയിലായ എസ് ഐക്ക് സസ്‌പെന്‍ഷന്‍. പോലീസ് ട്രെയിനിംഗ് കോളജ് സീനിയര്‍ ലോ ഇന്‍സ്‌പെക്ടര്‍കൂടിയായ ആദര്‍ശിനെതിരെയാണ് നടപടി. തിരുവനന്തപുരം ലോ അക്കാഡമിയിലെ ഇവനിംഗ് കോഴ്സ് വിദ്യാർഥിയാണ് ആദർശ്.അവസാന സെമസ്റ്റർ പരീക്ഷ എഴുതുന്നതിനിടയിലാണ് പിടിയിലായത്.
ആദർശ് ഉൾപ്പെടെ നാലുപേരെയാണ് സർവകലാശാല സ്ക്വാഡ് പിടികൂടിയത്. ആദര്‍ശിനെ നല്ല നടപ്പ് പരിശീലനത്തിന് അയയ്ക്കും. പബ്ലിക് ഇന്‍റർനാഷനൽ എന്ന പേപ്പറിന്‍റെ പരീക്ഷയ്ക്കിടെയായിരുന്നു സ്ക്വാഡ് എത്തിയത്. പരീക്ഷ ആരംഭിച്ച് അര മണിക്കൂറിനുള്ളിൽ നടത്തിയ പരിശോധനയിൽ വിവിധ ഹാളുകളിൽനിന്നാണ് നാലു പേർ പിടിയിലായത്. ആദർശ് പുസ്തകം തുറന്നുവച്ച് എഴുതുകയായിരുന്നു. കോപ്പിയടിക്കാൻ ഉപയോഗിച്ച ബുക്കും കണ്ടെടുത്തു.
