ഫ്ലാറ്റിൽ മൂന്നുപേരെത്തി വാതില്‍ തുറന്നയുടന്‍ തന്നെ ബലമായി വലിച്ചുകൊണ്ടുപോയെന്ന് സരിത്ത്. ലൈഫ് മിഷനുമായി ബന്ധപ്പെട്ട കാര്യങ്ങളല്ല മറിച്ച് സ്വപ്‌നയുടെ വെളിപ്പെടുത്തലിനെക്കുറിച്ചാണ് തന്നോട് ചോദിച്ചതെന്നും സരിത്ത് മാധ്യമങ്ങളോട് പറഞ്ഞു. നോട്ടീസ് നൽകാതെയാണ് പിടിച്ചു കൊണ്ടു പോയത്. ഈ വരുന്ന ജൂൺ 16ന് ഹാജരാകണമെന്ന് കാണിച്ച് വിജിലന്‍സ് ഓഫീസില്‍ വച്ച് നോട്ടീസ് നല്‍കിയതായും സരിത്ത് പറഞ്ഞു.സരിത്തിനെ വീട്ടില്‍നിന്ന് തട്ടിക്കൊണ്ടു പോയെന്ന് സ്വപ്ന സുരേഷാണ് മാധ്യമങ്ങള്‍ക്ക് മുന്നില്‍ വെളിപ്പെടുത്തിയത്.
