കെ ടി ജലീലിന്റെ പരാതിയുടെ അടിസ്ഥാനത്തിൽ എടുത്തിരിക്കുന്ന ഗൂഢാലോചന കേസ് റദ്ദാക്കണമെന്ന് ആവശ്യപ്പെട്ട്‌സ്വപ്ന സുരേഷ് ഇന്ന് ഹൈക്കോടതിയെ സമീപിക്കും.സ്വര്‍ണക്കത്ത് കേസില്‍ മുഖ്യമന്ത്രി പിണറായി വിജയന്‍ ഉള്‍പ്പെടെയുള്ളവര്‍ക്ക് എതിരെ പുതിയ ആരോപണങ്ങള്‍ ഉന്നയിച്ചതിനെ തുടർന്നാണ് ഗൂഢാലോചന ചൂണ്ടിക്കാട്ടി കെ ടി ജലീല്‍ പരാതി നൽകിയത് . ഗൂഢാലോചന, കലാപശ്രമം അടക്കമുള്ള കുറ്റങ്ങള്‍ ചുമത്തി പി സി ജോര്‍ജ്ജ്, സ്വപ്ന സുരേഷ് എന്നിവര്‍ക്കെതിരെ കന്റോണ്‍മെന്റ് പൊലീസാണ് കേസെടുത്തത്.
പൊലീസ് സംരക്ഷണം ആവശ്യപ്പെട്ടുള്ള സ്വപ്നയുടെ ഹര്‍ജയും എറണാകുളം സെഷന്‍സ് കോടതി ഇന്ന് കോടതി പരിഗണിക്കും. ഫെയ്‌സ്ബുക്ക് പോസ്റ്റിന്റെ പേരിലുള്ള മതവിദ്വേഷ കേസില്‍ മുന്‍കൂര്‍ ജാമ്യം തേടി സ്വപ്നയുടെ അഭിഭാഷകന്‍ കൃഷ്ണരാജും കോടതിയെ സമീപിക്കും.
