നടിയെ അക്രമിച്ച കേസിലെ അന്വേഷണ സംഘത്തെ അപകടപ്പെടുത്താന്‍ ശ്രമിച്ച കേസില്‍ നിര്‍ണായക തെളിവെന്ന് കരുതുന്ന മൊബൈല്‍ ഫോണുകള്‍ തിങ്കളാഴ്ച ഹാജരാക്കണമെന്ന് ദിലീപിനോട് കോടതി. തിങ്കളാഴ്ച രാവിലെ 10.15ന് സീല്‍ ചെയ്ത കവറില്‍ ഹൈക്കോടതി രജിസ്റ്റാര്‍ക്ക് മുന്നില്‍ ഹാജരാക്കണമെന്ന് ജസ്റ്റിസ് ഗോപിനാഥ്.പി നിര്‍ദേശിച്ചു.മൊബൈല്‍ ഫോണ്‍ സ്വന്തംനിലയില്‍ പരിശോധിക്കാന്‍ കഴിയില്ലെന്ന് ദിലീപിനോട് ഹൈക്കോടതി പറഞ്ഞിരുന്നു. സംസ്ഥാനത്തെ ഫോറന്‍സിക് ലാബ് കേരളാ പോലീസിന്റെ ഭാഗമാണെന്ന് ദിലീപ് കോടതിയില്‍ വാദിച്ചു. ഹൈദരാബാദിലെ സ്വകാര്യ ലാബിലേക്ക് ഫോണ്‍ പരിശോധനയ്ക്ക് അയച്ചുവെന്ന് ദിലീപ് കോടതിയെ അറിയിച്ചു. അന്വേഷണ സംഘത്തിന് ഫോണ്‍ കൈമാറാന്‍ വിശ്വാസമില്ലെന്നായിരുന്നു ദിലീപിന്റെ വാദം.ഫോണ്‍ ഇന്ന് തന്നെ കൈമാറുന്നതാണ് ഉചിതമെന്ന് കോടതി പറഞ്ഞു.അന്വേഷണവുമായി മുന്നോട്ട് പോകണമെങ്കില്‍ ഫോണ്‍ ലഭിക്കണമെന്ന നിലപാട് ഇന്നും പ്രോസിക്യൂഷന്‍ കോടതിയെ അറിയിച്ചു.
