യുവഡോക്ടര്‍ ഷഹനയുടെ ആത്മഹത്യയില്‍ പൊലീസ് കസ്റ്റഡിയിലെടുത്ത റോ. റൂവൈസിന്റെ അറസ്റ്റ് രേഖപ്പെടുത്തി. ഇയാളെ കേസുമായി നേരിട്ട് ബന്ധിപ്പിക്കാന്‍ കഴിയുന്ന തെളിവുകള്‍ ഉണ്ടെന്ന് പൊലീസ് പറഞ്ഞു. ഡോ. ഷഹനയുടെ ആത്മഹത്യാക്കുറിപ്പില്‍ സ്ത്രീധനമോഹം തന്റെ ജീവിതം തകര്‍ത്തുവെന്നും അവന്റെ സഹോദരിക്ക് വേണ്ടിയാണോ ഇത്രയും പണം ആവശ്യപ്പെടുന്നതെന്നും എഴുതിയിരുന്നതായി പൊലീസ് പറയുന്നു.
ഡോ. ഷഹനയെ വിവാഹം കഴിക്കാമെന്ന് റുവൈസ് വാഗ്ദാനം ചെയ്തിരുന്നു. ഉയര്‍ന്ന സ്ത്രീധനം കിട്ടില്ലെന്ന് വന്നതോടെ വിവാഹത്തില്‍ നിന്ന് ഡോ. റുവൈസ് പിന്മാറിയെന്നും ഇതാണ് ഷഹ്ന ജീവനൊടുക്കാന്‍ കാരണമെന്നും ഡോ ഷഹനയുടെ സഹോദരന്‍ പറഞ്ഞു. സ്ത്രീ ധന നിരോധന നിയമം, ആത്മഹത്യ പ്രേരണം തുടങ്ങിയ കുറ്റങ്ങള്‍ ചുമത്തിയാണ് ഡോ. റൂവൈസിന്റെ അറസ്റ്റ് രേഖപ്പെടുത്തിയത്.
