കുവൈത്ത് സിറ്റി: വിന്റർ വണ്ടർലാൻഡ് കുവൈറ്റ് ഡിസംബർ 1 ന് ആരംഭിക്കുമെന്ന് ടൂറിസ്റ്റ് എന്റർപ്രൈസസ് കമ്പനി അറിയിച്ചു. എല്ലാ പ്രായത്തിലുമുള്ള സന്ദർശകർക്കായി 28 റൈഡുകൾ ഇവിടെ ഒരുക്കിയിട്ടുണ്ട് , ഇതിന് പുറമെ 1,200 പേർക്ക് ഇരിക്കാവുന്ന ഒരു തിയേറ്ററുമുണ്ട്. ഉപയോഗശൂന്യമായി കിടന്ന ഷാബ് പാർക്ക് ആണ് വിന്റർ വണ്ടർലാൻഡ് നിർമിക്കാനായി തിരഞ്ഞെടുത്തത്. പരിപാടിക്ക് ആവശ്യമായ അടിസ്ഥാന സൗകര്യങ്ങൾ ഇവിടെ ഉള്ളതിനാലായിരുന്നു ഇത്.
