കുവൈത്ത് സിറ്റി: 2022 ജൂലൈ 1 മുതൽ ഓഗസ്റ്റ് 21 വരെയുള്ള കാലയളവിൽ, അഹമ്മദി ഹെൽത്ത് ഡിസ്ട്രിക്ടിൽ കുറഞ്ഞത് 2,769 കോവിഡ്-19 കേസുകൾ രേഖപ്പെടുത്തിയതായി അധികൃതർ പുറത്തുവിട്ട റിപ്പോർട്ട് അനുസരിച്ച് പ്രാദേശിക പത്രം റിപ്പോർട്ട് ചെയ്തു. ഇതിൽ, ഏകദേശം 53 ശതമാനം രോഗികളും സ്ത്രീകളാണ്. 65 ശതമാനം കുവൈറ്റികളുമാണ്. മൊത്തം രോഗബാധിതരിൽ 54 ശതമാനം പേർ 21 നും 40 നും ഇടയിൽ പ്രായമുള്ളവരാണെന്നും പുറത്തുവിട്ട വിവരത്തിലുണ്ട്.
പ്രദേശത്തെ കോവിഡ് -19 ഫോളോ-അപ്പ് റിപ്പോർട്ട് എപ്പിഡെമോളജിക്കൽ അപകടസാധ്യതകൾ വിലയിരുത്തുന്നതിനുമുള്ള ഒരു ചട്ടക്കൂടിന്റെ ഭാഗമാണെന്ന് അൽ-അഹമ്മദി ഹെൽത്ത് ഡിസ്ട്രിക്റ്റ് ഡയറക്ടർ ഡോ. അഹമ്മദ് അൽ-ഷാട്ടി പറഞ്ഞു. കോവിഡ് മഹാമാരിയുടെ തുടക്കത്തേക്കാൾ നിലവിലെ അണുബാധ നിരക്ക് കുറവാണ്, 2020 ഏപ്രിലിന് ശേഷമുള്ള ഏറ്റവും താഴ്ന്ന നിരക്കാണിത് എന്നും അദ്ദേഹം പറഞ്ഞു.
അൽ-അദാൻ ഹോസ്പിറ്റലിന്റെ സ്റ്റാഫിൽ (ഓഗസ്റ്റിൽ രണ്ടെണ്ണം ഉൾപ്പെടെ) 14 കേസുകൾ റിപ്പോർട്ട് ചെയ്യപ്പെട്ടിട്ടുണ്ടെന്നും റിപ്പോർട്ട് വെളിപ്പെടുത്തി, ഇത് പാൻഡെമിക് ആരംഭിച്ചതിന് ശേഷമുള്ള ഏറ്റവും കുറഞ്ഞ കേസുകളാണെന്നും റിപ്പോർട്ട് ചൂണ്ടിക്കാണിക്കുന്നു
