കുവൈത്ത് സിറ്റി: പുതുവത്സര അവധിയിൽ 1,39,000 കുവൈത്ത് അന്താരാഷ്ട്ര വിമാനത്താവളം വഴി യാത്ര ചെയ്യുമെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ അറിയിച്ചു. ഏവർക്കും യാത്ര സൗകര്യമൊരുക്കുന്നതിനായി വിമാനത്താവളം സമ്പൂർണ്ണമായി സജ്ജമായതായും അധികൃതർ വ്യക്തമാക്കി. ഡിസംബർ 29 നും 2023. ജനുവരി 1 നും ഇടയിൽ യാത്രക്കാർ 1,284 വിമാനങ്ങളിൽ പുറപ്പെടുകയും എത്തിച്ചേരുകയും ചെയ്യും. ദുബായ്, ദോഹ, കെയ്‌റോ, ഇസ്താംബുൾ, ജിദ്ദ എന്നിവിടങ്ങളിലേക്കാണ് ഏറ്റവും കൂടുതൽ യാത്രക്കാറുള്ളത്. 78,000 യാത്രക്കാരുമായി 642 വിമാനങ്ങൾ കുവൈത്തിൽ നിന്ന് പുറപ്പെടുമ്പോൾ 61,000 യാത്രക്കാരുമായി 642 വിമാനങ്ങൾ തിരിച്ചെത്തും.
