കുവൈറ്റ് സിറ്റി: ഇന്ത്യയും കുവൈത്തും തമ്മിലുള്ളത് അഭേദ്യമാവും വിധം ശക്തമായ ബന്ധമെന്ന് ഇന്ത്യൻ വിദേശകാര്യ സാംസ്കാരിക സഹമന്ത്രി മീനാക്ഷി ലേഖി. ഇരു രാജ്യങ്ങളുടെയും പൊതു താൽപ്പര്യങ്ങൾ നേടിയെടുക്കുന്നതിന് വിശാലമായ മേഖലകളിൽ ഐക്യത്തോടെ കൂടുതൽ കാണുക മികച്ച രീതിയിൽ പ്രവർത്തിക്കണം എന്ന ആഗ്രഹം അവർ പ്രകടിപ്പിക്കുകയും ചെയ്തു. ഇരുരാജ്യങ്ങളും തമ്മിലുള്ള നയതന്ത്രബന്ധം സ്ഥാപിച്ചതിന്റെ 62-ാം വാർഷികത്തോടനുബന്ധിച്ച് ന്യൂഡൽഹിയിൽ കുവൈറ്റ് എംബസി നടത്തിയ ചടങ്ങിലായിരുന്നു അവർ ഇക്കാര്യം പറഞ്ഞത്.
ഇരു രാജ്യങ്ങളും തമ്മിലുള്ള നയതന്ത്ര ബന്ധത്തിന്റെ 62-ാം വാർഷികമാണ് ഈ വർഷം ആഘോഷിക്കുന്നതെന്ന് ഇന്ത്യയിലെ കുവൈത്ത് അംബാസഡർ ജാസിം ഇബ്രാഹിം അൽ നജിം പറഞ്ഞു, ഇരു രാജ്യങ്ങളും തമ്മിലുള്ള അടുത്ത ബന്ധം ഭാവിയിൽ കൂടുതൽ വളരുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
അറേബ്യൻ ഗൾഫ് രാജ്യങ്ങൾ ഉൾപ്പെടെ ഇന്ത്യൻ മഹാസമുദ്രത്തിലെ രാജ്യങ്ങൾ തമ്മിലുള്ള ആശയവിനിമയം പുനഃസ്ഥാപിക്കാൻ ലക്ഷ്യമിടുന്ന ‘പ്രോജക്റ്റ് മൗസം’ ഇന്ത്യയും കുവൈത്തും തമ്മിലുള്ള സാംസ്കാരിക ബന്ധം ശക്തിപ്പെടുത്തുന്നതിന് സഹായകമാകും എന്നും അദ്ദേഹം പറഞ്ഞു
