കുവൈത്ത് സിറ്റി: കുവൈത്തിലെ പ്രൈമറി സ്കൂളുകളുടെ പ്രവർത്തന സമയം മാറ്റുന്നത് സംബന്ധിച്ച നിർദേശം വിദ്യാഭ്യാസ മന്ത്രാലയം പഠിച്ചു വരുന്നതായി അൽ അൻബ ദിനപത്രം റിപ്പോർട്ട് ചെയ്തു. ക്ലാസുകൾ അവസാനിക്കുന്ന സമയം ഉച്ചയ്ക്ക് 1:30ന് പകരം 1:20 ആക്കുന്നതാണ് പരിഗണിക്കുന്നത്. കുവൈത്ത് ടീച്ചേഴ്‌സ് അസോസിയേഷന്റെ നിർദേശം മന്ത്രാലയം അണ്ടർ സെക്രട്ടറി ഡോ അലി അൽ യാക്കൂബ് പൊതുവിദ്യാഭ്യാസ മേഖലയിലേക്ക് റഫർ ചെയ്തു. ഇത് സംബന്ധിച്ച് തീരുമാനം ഇവരാണ് കൈക്കൊള്ളുക.
