കുവൈത്ത് സിറ്റി: തൊഴിലിടങ്ങളിലെ ലിംഗവിവേചനം അവസാനിപ്പിച്ച കുവൈറ്റിന് അഭിനന്ദനവുമായി ലോകബാങ്ക്. സ്ത്രീകളെ സാമ്പത്തികമായി ശാക്തീകരിക്കുന്നതിന് കഴിഞ്ഞ വര്‍ഷം കുവൈറ്റും മറ്റ് 22 രാജ്യങ്ങളും മുന്നോട്ടുവച്ച രീതികളെയാണ് ലോകബാങ്ക് അഭിനന്ദിച്ചത്. കുവൈറ്റ് തൊഴിലിടങ്ങളിലെ ലിംഗവിവേചനം നിരോധിച്ചു. ബഹ്‌റൈന്‍, ഈജിപ്ത്, ലെബനന്‍, ഒമാന്‍ എന്നീ രാജ്യങ്ങളിലും ലിംഗവിവേചനം സംബന്ധിച്ചുള്ള നിയമങ്ങള്‍ മെച്ചപ്പെടുത്തി’, ലോകബാങ്ക് വ്യക്തമാക്കി.കൊവിഡ് മഹാമാരിയില്‍ നിന്ന് സ്ത്രീകളുടെ ജീവിതത്തിലും ഉപജീവനത്തിലും ആനുപാതികമല്ലാത്ത സ്വാധീനം ഉണ്ടായിട്ടും 23 രാജ്യങ്ങള്‍ 2021 ല്‍ അവരുടെ നിയമങ്ങള്‍ പരിഷ്‌കരിച്ച് മുന്നേറുന്നതിന് ആവശ്യമായ നടപടികള്‍ കൈക്കൊള്ളുന്നുണ്ട്’, ലോകബാങ്ക് അതിന്റെ ഏറ്റവും പുതിയ വാര്‍ഷിക വുമണ്‍, ബിസിനസ് ആന്റ് ദ ലോ (ഡബ്ലുബിഎല്‍) റിപ്പോര്‍ട്ടില്‍ പറഞ്ഞു. ഡബ്ലുബിഎല്‍ 2022 റിപ്പോര്‍ട്ട് അനുസരിച്ച്, ആഗോളതലത്തില്‍ ഏറ്റവും കൂടുതല്‍ പരിഷ്‌കാരങ്ങള്‍ പേരന്റ്ഹുഡ്, പേ, വര്‍ക്ക്‌പ്ലേസ് എന്നീ സൂചകങ്ങളാണ്.
