കുവൈത്ത് സിറ്റി : കോവിഡ് എന്ന മഹാമാരി പൊട്ടിപ്പുറപ്പെട്ടതിന് ശേഷം നിരവധി മാസങ്ങളായി തുടർന്നുകൊണ്ടിരിക്കുന്ന ആരോഗ്യ ആവശ്യകതകളും സുരക്ഷാമാനദണ്ഡങ്ങൾക്കും ശേഷം സാധാരണ ജീവിതത്തിലേക്ക് മടങ്ങാനുള്ള അവസാന നടപടികൾ ആരോഗ്യ ഉദ്യോഗസ്ഥർ പ്രഖ്യാപിക്കുന്നതിനായി കാത്തിരിക്കുകയാണ് കുവൈത്ത്.
രാജ്യത്ത് കോവിഡ് ബാധിതരുടെ എണ്ണം നിയന്ത്രണവിധേയമായി തുടരുന്നതും പ്രതിരോധ കുത്തിവയ്പ്പിന്റെ ഉയർന്ന നിരക്കും പരിഗണിച്ച് ശുപാർശകൾ മന്ത്രിസഭ യോഗത്തിൽ അവതരിപ്പിക്കുകയും അന്തിമ പ്രഖ്യാപനത്തിനായി കാത്തിരിക്കുകയുമാണ്
പ്രധാന ഇളവുകൾ( പ്രഖ്യാപിക്കാൻ സാധ്യതയുള്ളവ )
– മുമ്പത്തെപ്പോലെ പ്രാർത്ഥനയ്ക്കായി പള്ളികളിലേക്ക് പ്രവേശനം അനുവദിക്കും, ആരോഗ്യ ആവശ്യകതകൾ പാലിച്ച് മാസ്ക് ധരിച്ച് അവരവർ പ്രത്യേക പരവതാനി കൊണ്ടുവരണം
– എയർപോർട്ട് പൂർണ്ണ ശേഷിയിൽ തുറക്കും
– എയർപോർട്ടിൽ ഓൺ അറൈവൽ വിസ
– തുറസ്സായ സ്ഥലങ്ങളിൽ ഫെയ്സ്മാസ്കും നിർബന്ധമല്ല
– പുതിയ നിയമങ്ങൾക്കനുസൃതമായി ആരോഗ്യ ആവശ്യകതകൾ പാലിച്ചുകൊണ്ട് വിവാഹ സൽക്കാരങ്ങൾ, സെമിനാറുകൾ, കോൺഫറൻസുകൾ എന്നിവ പോലുള്ള പരിപാടികൾ നടത്താൻ അനുവദിക്കുമെന്ന് പ്രതീക്ഷിക്കുന്നതായും സർക്കാർ വൃത്തങ്ങളെ ഉദ്ധരിച്ച് പ്രാദേശിക പത്രങ്ങൾ റിപ്പോർട്ട് ചെയ്തിട്ടുണ്ട്.
