കുവൈത്ത് സിറ്റി: കുവൈത്ത് അതി ശൈത്യത്തിലേക്കെന്ന് കാലാവസ്ഥാ നിരീക്ഷകൻ ഡോ.ആദിൽ അൽ സാദൂൺ മുന്നറിയിപ്പുനൽകി. അതിശൈത്യം ഡിസംബർ 7 മുതൽ ആരംഭിച്ച് 40 ദിവസത്തോളം തുടരുമെന്നാണ് കാലാവസ്ഥ മുന്നറിയിപ്പ്. രണ്ട് ഘട്ടങ്ങളിലായിട്ടാണ് ആയിരിക്കും ശൈത്യം അനുഭവപ്പെടുക. ഡിസംബർ ഏഴുമുതൽ 27 വരെ ആദ്യ ഘട്ടവും 28 മുതൽ ഫെബ്രുവരി 14 വരെ രണ്ടാം ഘട്ടവും ആയിരിക്കും, ഇതിൽ അതിശൈത്യം അനുഭവപ്പെടുക രണ്ടാം ഘട്ടത്തിൽ ആയിരിക്കുമെന്നും അദ്ദേഹം പറഞ്ഞു. രണ്ടാം ഘട്ടത്തിൽ അന്തരീക്ഷ ഊഷ്മാവ് ചില ദിവസങ്ങളിൽ പൂജ്യം ഡിഗ്രി സെൽഷ്യസ് ആയിരിക്കുമെന്നും ഡോ സാദൂൺ മുന്നറിയിപ്പ് നൽകുന്നു.
