കുവൈറ്റ് സിറ്റി : പ്രവാസികൾക്ക് 3 വർഷത്തേക്ക് ഡ്രൈവിംഗ് ലൈസൻസ് നൽകുന്നത് ട്രാഫിക് വിഭാഗം നിർത്തി. പകരം ഒരു വർഷത്തെ സാധുതയുള്ള ലൈസൻസ് ആണ് നൽകുക, ഇത് വർഷം തോറും ഓൺലൈനായി പുതുക്കാം.ചില പ്രവാസികൾ 3 വർഷത്തേക്ക് ലൈസൻസ് പുതുക്കുകയും പിന്നീട് അവരുടെ തൊഴിൽ മാറ്റുകയും ചെയ്തതായി കണ്ടെത്തിയതിനെ തുടർന്നാണ് 3 വർഷത്തേക്ക് ലൈസൻസ് നൽകുന്നത് സസ്പെൻഡ് ചെയ്തത്. പ്രവാസികൾ അതേ തൊഴിലിൽ തുടരുന്ന സാഹചര്യത്തിൽ, വർഷം തോറും ലൈസൻസ് തടസ്സങ്ങളില്ലാതെ പുതുക്കും, എന്നാൽ തൊഴിലിൽ എന്തെങ്കിലും മാറ്റമുണ്ടായാൽ, ആവശ്യമായ നടപടിക്രമങ്ങൾ പാലിക്കേണ്ടതുണ്ട് എന്ന് അധികൃതർ വ്യക്തമാക്കി.
