കുവൈറ്റ് സിറ്റി: കുവൈറ്റിൽ വേനൽക്കാലത്ത് ദീർഘകാല കാർ പാർക്കിംഗിനായി പുതിയ പ്രിവിലേജ്ഡ് പാർക്കിംഗ് സേവനങ്ങൾ അവതരിപ്പിക്കുമെന്ന് പബ്ലിക് യൂട്ടിലിറ്റീസ് മാനേജ്‌മെന്റ് കമ്പനി പ്രഖ്യാപിച്ചു.
കുവൈറ്റിന് പുറത്തേക്ക് യാത്ര ചെയ്യുമ്പോൾ തങ്ങളുടെ കാറുകൾ സൂക്ഷിക്കാൻ സുരക്ഷിതവും ആധുനികവുമായ പാർക്കിംഗ് സ്ഥലം തേടുന്നവർക്കും വേനലിൽ കാറുകളെ സംരക്ഷിക്കുന്നതിനും ഉള്ളതാണ് ഈ ആധുനിക പാർക്കിംഗ് സൗകര്യം. ഇത്തരം ആധുനിക പാർക്കിംഗ് ലോട്ടുകളിൽ സ്വകാര്യ പാർക്കിംഗിനായി ഷട്ടർ വാതിലുകൾ സജ്ജീകരിച്ചിരിക്കും, ഉപയോക്താക്കൾക്ക് മാത്രം ആക്സസ് ചെയ്യാൻ കഴിയുന്ന തരത്തിൽ ആയിരിക്കും ഇത് എന്നും കമ്പനി അറിയിച്ചു. 24 മണിക്കൂറും സെക്യൂരിറ്റിയും, നിരീക്ഷണ ക്യാമറകളും, കാറുകൾ മികച്ച അവസ്ഥയിൽ നിലനിർത്താൻ എയർ കണ്ടീഷനും ഇവിടെ സജ്ജീകരിച്ചിട്ടുണ്ട്.
