കുവൈറ്റ് സിറ്റി: ഭക്ഷ്യ സംബന്ധമായ അസുഖങ്ങൾ തടയുന്നതിനായി ഇറാഖ്, സിറിയ, ലെബനൻ, മറ്റ് രാജ്യങ്ങളിൽ നിന്നുള്ള ഭക്ഷ്യവസ്തുക്കൾ കൊണ്ടുവരുന്നത് കുവൈറ്റ് നിരോധിച്ചതായി അൽ-ജരിദ ദിനപത്രം റിപ്പോർട്ട് ചെയ്യുന്നു. മേൽപ്പറഞ്ഞ രാജ്യങ്ങളിൽ കോളറ പടർന്നതിനെത്തുടർന്ന് ആണ് നിരോധനം. കോളറ പൊട്ടിപ്പുറപ്പെടുന്നത് മാത്രമല്ല, ഭക്ഷണവുമായി ബന്ധപ്പെട്ട രോഗങ്ങളുടെ ആവർത്തിച്ചുള്ള കണ്ടെത്തലും കൂടിയാണ് നിരോധനത്തിന് കാരണമെന്ന് ബന്ധപ്പെട്ട അധികൃതർ വിശദീകരിച്ചു. അധികൃതർ സ്ഥിതിഗതികൾ സൂക്ഷ്മമായി നിരീക്ഷിക്കുകയും തീരുമാനം അവലോകനം ചെയ്യുകയും ചെയ്യുന്നതായും പറഞ്ഞു.
