ഇന്ത്യയുടെ മൂന്നാം ചന്ദ്രയാൻ: ചരിത്ര ദൗത്യം

ഇന്ത്യയുടെ അഭിമാന ദൗത്യമായ ചന്ദ്രയാൻ 3 വിക്ഷേപണത്തിന് ഇനി മണിക്കൂറുകൾ മാത്രം. ഉച്ചയ്ക്ക് 2.35 ന് ശ്രീഹരിക്കോട്ടയിലെ സതീഷ് ധവാൻ ബഹിരാകാശ കേന്ദ്രത്തിൽ നിന്ന് വിക്ഷേപിക്കും. വ്യാഴാഴ്ച ഉച്ചയ്ക്ക് ഒരുമണിയോടെയാണ് കൗണ്ട് ടൗൺ തുടങ്ങിയത്.

ശ്രീ​ഹ​രി​ക്കോ​ട്ട​യി​ലെ സ​തീ​ഷ് ധ​വാ​ൻ ബ​ഹി​രാ​കാ​ശ കേ​ന്ദ്ര​ത്തി​ൽ നി​ന്ന് ഇ​സ്രൊ​യു​ടെ ഏ​റ്റ​വും ക​രു​ത്തു​റ്റ വി​ക്ഷേ​പ​ണ വാ​ഹ​നം ലോ​ഞ്ച് വെ​ഹി​ക്കി​ൾ മാ​ർ​ക്ക്–3 (എ​ൽ​വി​എം3) റോ​ക്ക​റ്റി​ലേ​റി​യാ​കും ച​ന്ദ്ര​യാ​ന്‍റെ യാ​ത്ര. രാ​ജ്യം ഏ​റെ പ്ര​തീ​ക്ഷ​ക​ളോ​ടെ കാ​ത്തി​രി​ക്കു​ന്ന​താ​ണു ദൗ​ത്യം. 615 കോ​ടി രൂ​പയാണ് ഇതിന്‍റെ ചെലവ്. ആ​കെ 3900 കി​ലോ​ഗ്രാ​മാ​ണു ഭാ​രം.

ച​ന്ദ്ര​ന്‍റെ ദക്ഷിണ ധ്രുവത്തിൽ സോഫ്റ്റ് ലാന്‍ഡിങ് ആണ് ചാ​ന്ദ്ര​യാ​ൻ മൂന്നാം ദൗത്യത്തിന്‍റെ ലക്ഷ്യം. ച​ന്ദ്ര​യാ​ൻ 2ൽ ​ലാ​ൻ​ഡ​റും റോ​വ​റും ഗ​വേ​ഷ​ണ ഉ​പ​ഗ്ര​ഹ​ത്തോ​ടു​കൂ​ടി​യ ഓ​ർ​ബി​റ്റ​റു​മു​ണ്ടാ​യി​രു​ന്നു. ഇ​ത്ത​വ​ണ ദൗ​ത്യ​ത്തി​ൽ ലാ​ൻ​ഡ​റും റോ​വ​റും മാ​ത്ര​മാ​ണു​ള്ള​ത്. എ​ന്നാ​ൽ, ബ​ഹി​രാ​കാ​ശ പേ​ട​ക​ത്തി​ൽ സ്പെ​ക്‌​ട്രോ- പൊ​ള​രി​മെ​ട്രി ഒ​ഫ് ഹാ​ബി​റ്റ​ബി​ൾ പ്ലാ​ന​റ്റ് എ​ർ​ത്ത് (ഷേ​പ്) എ​ന്ന പേ​രി​ലു​ള്ള ഉ​പ​ക​ര​ണ​മു​ണ്ടാ​കും. ചാ​ന്ദ്ര​ഭ്ര​മ​ണ​പ​ഥ​ത്തി​ൽ നി​ന്ന് ഭൂ​മി​യു​ടെ സ്പെ​ക്‌​ട്ര​ൽ, പൊ​ളറിമെ​ട്രി​ക് ഗു​ണ​ങ്ങ​ൾ പ​രി​ശോ​ധി​ക്കു​ക​യാ​ണു ഷേ​പി​ന്‍റെ ദൗ​ത്യം.

ചാന്ദ്ര​യാ​ൻ പ​ര​മ്പ​ര​യി​ലെ മൂ​ന്നാം ദൗ​ത്യ​മാ​ണി​ത്. 2008ലെ ​ആ​ദ്യ ദൗ​ത്യം (ച​ന്ദ്ര​യാ​ൻ 1) വ​ൻ വി​ജ​യ​മാ​യി​രു​ന്നു. ച​ന്ദ്ര​നെ വ​ലം​വ​ച്ച് ചി​ത്ര​ങ്ങ​ള​ട​ക്കം വി​വ​ര​ങ്ങ​ൾ കൈ​മാ​റി​യ ആ​ദ്യ ദൗ​ത്യ​ത്തി​ന് 2 വ​ർ​ഷ​മാ​ണ് ആ​യു​സ് പ്ര​തീ​ക്ഷി​ച്ച​ത്. എ​ന്നാ​ൽ, അ​തി​ല​ധി​കം കാ​ലം ഇ​തു പ്ര​വ​ർ​ത്തി​ച്ചു. 2019ലാ​യി​രു​ന്നു ര​ണ്ടാം ദൗ​ത്യം. അ​ന്നു ലാ​ൻ​ഡി​ങ്ങി​നു മു​ൻ​പ് ലാ​ൻ​ഡ​ർ നി​യ​ന്ത്ര​ണം ന​ഷ്ട​മാ​യി ചന്ദ്രോപരിതലത്തിൽ ഇടിച്ചിറങ്ങിയത് തി​രി​ച്ച​ടി​യാ​യി. ച​ന്ദ്ര​നി​ൽ ലാ​ൻ​ഡ​റും റോ​വ​റും ഇ​റ​ക്കു​ക​യെ​ന്ന അ​ന്ന​ത്തെ ല​ക്ഷ്യം പൂ​ർ​ത്തി​യാ​ക്കാ​നാ​ണ് ഇ​ത്ത​വ​ണ ശ്ര​മം.