ജോലി വാഗ്ദാനം നൽകി മയക്കുമരുന്നു നൽകി കുവെെറ്റിലേക്ക് പറഞ്ഞു വിട്ട മലയാളി യുവാവ് മടങ്ങിവരുമെന്ന പ്രതീക്ഷയിൽ മാതാപിതാക്കൾ. മകന്റെ നിരപരാധിത്വം തെളിയുമെന്ന പ്രതീക്ഷയിൽ അഞ്ച് വർഷമായി ഈ മാതാപിതാക്കൾ കാത്തിരിക്കുകയാണ്. മയക്കുമരുന്നുമായാണ് വിമാനത്താവളത്തിൽ വെച്ച് ഇയാളെ പിടിക്കൂടുന്നത്. 2018 നവംബർ ആറിനാണ് സംഭവം നടന്നത്.
സൂപ്പർമാർക്കറ്റിൽ ജോലി നൽകാം എന്ന് പറഞ്ഞാണ് ഇയാളെ കുവെെറ്റിൽ എത്തുന്നത്. ചേർത്തല സ്വദേശി ആൻറണി എന്നയാളാണ് ജോമോനെ കുവെെറ്റിലേക്ക് എത്തിക്കുന്നത്. യാത്ര തിരിക്കുന്നതിനുമുമ്പ് ജോമോന്റെ കൈയിൽ ഒരുബാഗ് ആൻറണി നൽകി. സൂപ്പർമാർക്കറ്റിലെ ജീവനക്കാരനാണ് എന്ന് പറഞ്ഞാണ് കുവെെറ്റിലേക്ക് പറഞ്ഞുവിട്ടത്. അവിടെ എത്തി അവിടെയുള്ള ആളുടെ കെെവശം ഈ ബാഗ് ഏൽപ്പിക്കണം എന്നാണ് നിർദേശം നൽകിയത്. കുവെെറ്റ് വിമാനത്താവളത്തിൽ നടത്തിയ പരിശോധനയിൽ ബാഗിൽ ലഹരിമരുന്ന് ആണെന്ന് കണ്ടെത്തി. തുടർന്ന് ജോമോൻ അറസ്റ്റിലാകുകയും 25 വർഷം തടവിന് ശിക്ഷ വിധിച്ചു.
മകന്റെ നിരപരാധിത്വം തെളിയിക്കാൻ ഇടപെടണം എന്ന് ആവശ്യപ്പെട്ട് യുവാവിന്റെ മാതാപിതാക്കൾ കേരള ഹൈകോടതിയെ സമീപിച്ചു. നാട്ടിൽനിന്ന് മയക്കുമരുന്നടങ്ങുന്ന ബാഗ് നൽകി കബളിപ്പിച്ചതിനെത്തുടർന്നാണ് ജോമോൻ അറസ്റ്റിലാവുകയും തടവിന് ശിക്ഷിക്കപ്പെടുകയും ചെയ്തെന്നാണ് ഹർജിയിൽ പറയുന്നത്. ഹൈകോടതി 2021 ഫെബ്രുവരിയിൽ ക്രൈംബ്രാഞ്ച് അന്വേഷണത്തിന് ഉത്തരവിട്ടിരുന്നു. തുടർന്ന് ചേർത്തല പോലീസ് ആന്റണിയെ പിടികൂടി. ആന്റണി ഇപ്പോൾ റിമാൻഡിലാണ്.
ആന്റണി പിടിയിലായതോടെ മകന്റെ നിരപരാധിത്വം തെളിയിക്കാനാകുമെന്ന പ്രതീക്ഷയിലാണ് മാതാപിതാക്കൾ. ക്രൈംബ്രാഞ്ച് നടപടികളും പ്രതിയെ പിടികൂടിയതും കൊണ്ട് ഹെെക്കോടതി ഇടപെടൽ കാണിച്ച് കുവെെറ്റ് ഇന്ത്യൻ എംബസിയെയും വിദേശകാര്യ മന്ത്രാലയത്തെയും സമീപിക്കാൻ ഒരുങ്ങുകയാണ് അധികൃതർ രക്ഷിതാക്കൾ
