കുവൈറ്റ് സിറ്റി: എൻബിടിസി കോർപ്പറേറ്റ്ഓ ഡിറ്റോറിയത്തിൽ വിപുലമായി ഓണം ആഘോഷിച്ചു. യുഎഇ,സൗദി എന്നിവിടങ്ങളിലെ എൻബിടിസി റീജിയണൽ ഓഫീസുകളിലും ഓണാഘോഷങ്ങൾ സംഘടിപ്പിച്ചു.
എൻബിടിസി മാനേജിംഗ് ഡയറക്ടർ കെ.ജി.എബ്രഹാം, ഓണാശംസകൾ നേർന്ന് സംസാരിച്ചു. യാതൊരു അതിർ വരമ്പുകളുമില്ലാതെ, ജാതി-മത-വർഗ്ഗ-ദേശത്തിനതീതമായി എല്ലാ ജീവനക്കാരെയും എൻബിടിസിക്ക് കിഴിൽ ഒരുമിപ്പിച്ചു നിർത്താൻ ഓണം പോലുള്ള ആഘോഷങ്ങൾക്ക് സാധിക്കുമെന്ന് കെ.ജി.എബ്രഹാം അഭിപ്രായപ്പെട്ടു.
അഹമ്മദി ഇമ്മാനുവൽ മാർത്തോമാ ചർച്ച് വികാരി റവ. കെ.സി. ചാക്കോ, കോർപ്പറേറ്റ് ഡയറക്ടർ (ഓപ്പറേഷൻസ്) കെ.എസ്.വിജയചന്ദ്രൻ,ഡയറക്ടർമാരായ ഷിബി എബ്രഹാം, ബെൻസൺ എബ്രഹാം, ജനറൽ മാനേജർമാരായ കെ.ജി. ഗീവർഗീസ്, മനോജ് നന്തിയാലത്ത്, ബെൻ പോൾ, ജോമി വർഗീസ്, സുശീൽ മാത്യു സംസാരിച്ചു.
വിഭവ ‘സമൃദ്ധമായ ‘സദ്യ’ തന്നെയായിരുന്നു ഓണാഘോഷത്തിന്റെ മുഖ്യാകർഷണം. കൂടാതെ ഓണത്തിന്റെ പ്രതീകമായ ‘മഹാബലി ആഘോഷ അപ്രതീക്ഷിതമായി ചടങ്ങിലേക്ക് എഴുന്നള്ളുകയും എല്ലാ അംഗങ്ങളെയും പ്രതീകാത്മകവുമായി അനുഗ്രഹിക്കുകയും ചെയ്തു.
സമൂഹത്തിലെ നാനാതുറകളിലുള്ള പ്രമുഖരും എൻബിടിസി ക്ലയൻഡ് പ്രതിനിധികളും ഓണാഘോഷത്തിന്റെ ഭാഗമായി.
