കുവൈത്ത് സിറ്റി: കുവൈത്ത് വിമാനത്താവളത്തിൽ വച്ച് പ്രവാസി അനധികൃതമായി പുറത്തേക്ക് കടത്താൻ ശ്രമിച്ച സ്വർണവുമായി പിടിയിൽ. ചോദ്യം ചെയ്യലിൽ സ്വർണം സ്പോൺസറിൽ നിന്ന് മോഷ്ടിച്ചതാണെന്ന് ഇയാൾ സുരക്ഷാ ഉദ്യോഗസ്ഥർക്ക് മൊഴി നൽകി. തുടര്‍ന്ന് സ്‌പോണ്‍സറെ വിളിച്ചുവരുത്തി നിയമനടപടികള്‍ ആരംഭിച്ചതായി സുരക്ഷാ വിഭാഗം അറിയിച്ചു.
വിമാനത്താവളത്തിലെ പരിശോധനയ്ക്കിടെ പ്രവാസിയുടെ പെരുമാറ്റത്തില്‍ സംശയം തോന്നിയ സുരക്ഷാ വിഭാഗമാണ് വിശദ പരിശോധന നടത്തിയത്. പരിശോധനയില്‍ 26.9 ലക്ഷത്തോളം രൂപ മൂല്യം വരുന്ന സ്വര്‍ണം ഇയാളിൽ നിന്ന് കണ്ടെത്തുകയായിരുന്നു. പിടിയിലായ പ്രവാസി ഏഷ്യൻ വംശജനാണ്
