കുവൈറ്റ് സിറ്റി: ദോഹ കടലിലെ ചെളിയിൽ ക്രൂയിസറിൽ കുടുങ്ങിയ രണ്ട് കുവൈറ്റ് പൗരന്മാരെ പോലീസ് ഹെലികോപ്റ്ററിൽ രക്ഷപ്പെടുത്തി. മറൈൻ റെസ്ക്യൂ ടീമിന് ഇവരിലേക്ക് എത്താൻ കഴിയാത്ത സാഹചര്യത്തിലാണ് പോലീസ് വിഷയത്തിൽ ഇടപെട്ട് ഇരുവരെയും രക്ഷപ്പെടുത്തിയത്. നിരോധിത പ്രദേശത്ത് പ്രവേശിച്ചതിന് ശേഷം കോസ്റ്റ് ഗാർഡിൽ നിന്ന് രക്ഷപ്പെടാനുള്ള ശ്രമത്തിലാണ് രണ്ട് യുവാക്കൾ കുടുങ്ങിപ്പോയതെന്ന് സുരക്ഷാവൃത്തങ്ങളെ ഉദ്ധരിച്ച് പ്രാദേശിക പത്രം റിപ്പോർട്ട് ചെയ്തു. ഇരുവരെയും രക്ഷപ്പെടുത്തിയതിന് ശേഷം ചികിത്സ ലഭ്യമാക്കി.
