കുവൈറ്റ് സിറ്റി: വിവിധ സേവനങ്ങൾ ഒരു കേന്ദ്രത്തിൽ ലഭ്യമാകുന്ന തരത്തിൽ സമാർട്ട് സെന്റർ ആരംഭിച്ച് കുവൈറ്റ് അഭ്യന്തര മന്ത്രാലയം. ഷുവൈഖ് ഏരിയയിലെ ജനറൽ അഡ്മിനിസ്‌ട്രേഷൻ പാസ്‌പോർട്ട് ഓഫിസിലാണ് 24 മണിക്കൂറും സേവനം ലഭ്യമാക്കുന്ന ലഭ്യമായ കേന്ദ്രംസജ്ജീകരിച്ചിരിക്കുന്നതെന്ന് അധികൃതർ വ്യക്തമാക്കി.
പൗരൻമാർക്ക് സേവനങ്ങൾക്കായി പല സ്ഥലങ്ങളിലായി ഓടി നടക്കേണ്ടി വരില്ല. പാസ്‌പോർട്ട്, ഡ്രൈവിങ് ലൈസൻസ്, സിവിൽ ഐ.ഡി എന്നിവയെല്ലാം ലഭിക്കുന്നതിന് വേണ്ടി സ്മാർട്ട് സെന്റർ വഴി സാധിക്കും. സര്‍ക്കാര്‍ ഏകീകൃത ആപ്പായ സഹൽ ആപ്ലിക്കേഷനില്‍ ലഭ്യമായ എല്ലാ ആനുകൂല്യങ്ങളും സവനങ്ങളും ഇവിടെ ലഭ്യമാകും. പരീക്ഷണ ഘട്ടമെന്ന നിലയിലാണ് കേന്ദ്രം ഇപ്പോൾ കുവെെറ്റ് ഒരുക്കിയിരിക്കുന്നത്. ഇതിൽ വിജയിച്ചാൽ മറ്റു സ്ഥലങ്ങളിലേക്കും സ്മാർട്ട് സെന്‍ററുകള്‍ വിപുലീകരിക്കുമെന്ന് അധികൃതർ അറിയിച്ചു.
