കുവൈറ്റ് സിറ്റി: കുവെെറ്റ് മുൻസിപാലിറ്റി വാർഷിക ബജറ്റ് റിപ്പോർട്ടിൽ 1,090 ഒഴിവുകൾ ആണ് റിപ്പോർട്ട് ചെയ്തിരിക്കുന്നത്. പൗരന്മാർക്കും പ്രവാസികൾക്കും ഒരുപോലെ അപേക്ഷിക്കാൻ സാധിക്കും.
പ്രവാസികൾക്കായി പ്രത്യേക ജോലികൾ റിസർവ് ചെയ്തിട്ടുണ്ട്. മയ്യത്ത് സംസ്കാരവുമായി ബന്ധപ്പെട്ട 36 തസ്തികൾ, മൃതദേഹം കൊണ്ടു പോകുന്ന വാഹനങ്ങളുടെ ഡ്രൈവർ തസ്തികയിൽ 25 അവസരങ്ങൾ എന്നിവയെല്ലാം പ്രവാസികൾക്ക് വേണ്ടി മാറ്റവെച്ചിട്ടുണ്ട്.
ആർക്കിടെക്‌ചർ, അക്കൗണ്ടന്‍റുമാർ, മെക്കാനിക്‌സ്, എഞ്ചിനീയറിങ് തസ്തികകളിലും ഒഴിവുകളുണ്ട് എന്നാൽ ഈ വിഭാഗത്തിൽ വിദേശികൾക്ക് അവസരം ലഭിക്കുമോയെന്ന് വ്യക്തമല്ല. അതേസമയം മുൻസിപ്പാലിറ്റിയിലെ ഭരണനിർവഹണവുമായി ബന്ധപ്പെട്ട തസ്തികകൾ എല്ലാം സ്വദേശികൾക്ക് മാത്രമായാണ് വെച്ചിരിക്കുന്നത്.
