കുവൈറ്റ് സിറ്റി: ശ്രദ്ധേയമായ രണ്ട് നിയമനിർമ്മാണ നിർദ്ദേശങ്ങൾ ചർച്ച ചെയ്യുന്നതിനായി, ധനമന്ത്രാലയത്തിന്റെയും ജനറൽ ഇൻവെസ്റ്റ്‌മെന്റ് അതോറിറ്റിയുടെയും പ്രതിനിധികളുമായി ആരോഗ്യകാര്യ സമിതി യോഗം ചേരും. ആദ്യ നിർദ്ദേശം ആരോഗ്യ പരിപാലന സേവനങ്ങളെ നിയന്ത്രിക്കുന്ന ഒരു നിയമം നടപ്പിലാക്കുന്നതുമായി ബന്ധപ്പെട്ടതാണ്, രണ്ടാമത്തേത് ഫാർമസ്യൂട്ടിക്കൽ വ്യവസായങ്ങൾക്കും മെഡിക്കൽ ഉപകരണ സംഭരണ സൗകര്യങ്ങൾക്കുമായി “ദവാകം” സോൺ സ്ഥാപിക്കാൻ നിർദ്ദേശിക്കുന്നതാണ്.
നിർദിഷ്ട നിയമം ആരോഗ്യമേഖല പ്രവർത്തനം കൂടുതൽ മെച്ചപ്പെടുത്തി എല്ലാ പൗരന്മാർക്കും പ്രവാസികൾക്കും ആരോഗ്യ പരിരക്ഷ ലഭ്യമാക്കാൻ ലക്ഷ്യമിട്ടുള്ള ഭരണപരിഷ്കാരത്തിന്റെ തത്വങ്ങളെ അടിസ്ഥാനമാക്കിയുള്ളതാണ്. അതിന്റെ പ്രധാന വ്യവസ്ഥകളിൽ, കുവൈറ്റിൽ താമസിക്കുന്ന എല്ലാ വ്യക്തികൾക്കും ആരോഗ്യ ഇൻഷുറൻസ് നിർബന്ധമാക്കുന്നു എന്നതാണ്.
