കുവൈറ്റ് സിറ്റി: ഇന്ത്യയുടെ 75-ാമത് റിപ്പബ്ലിക് ദിനത്തിൽ സൗഹൃദ രാജ്യമായ കുവൈത്തിലെ എല്ലാ ഇന്ത്യൻ പൗരന്മാർക്കും ഇന്ത്യൻ വംശജർക്കും ഊഷ്മളമായ ആശംസകൾ നേരുന്നതായി അംബാസിഡർ റിപ്പബ്ലിക് ദിന സന്ദേശത്തിൽ പറഞ്ഞു. സൗഹൃദ രാഷ്ട്രമായ കുവൈത്തിന്റെ ഭരണനേതൃത്വവും അവർ നൽകുന്ന പിന്തുണയ്ക്കും നന്ദി പറഞ്ഞ അംബാസഡർ ഇരു രാജ്യങ്ങളും തമ്മിലുള്ള ബന്ധം കൂടുതൽ ശക്തിപ്പെടുത്തുന്നതിനും വിപുലീകരിക്കുന്നതിനുമുള്ള ഇന്ത്യയുടെ പ്രതിബദ്ധതയെക്കുറിച്ചു എടുത്തു പറഞ്ഞു.
ഈ വർഷം ഇന്ത്യൻ ഭരണഘടന നിലവിൽ വന്നിട്ട് 75 വർഷം തികയുന്നു. ഇന്ത്യൻ ഭരണഘടന ലോകത്തിലെ ഏറ്റവും ദൈർഘ്യമേറിയ ലിഖിത ഭരണഘടനയാണ്, അത്. ഭരണഘടന ഇന്ത്യയെ ഒരു പരമാധികാര, സോഷ്യലിസ്റ്റ്, മതേതര, ജനാധിപത്യ റിപ്പബ്ലിക്കായി പ്രഖ്യാപിക്കുകയും പൗരന്മാർക്ക് നീതി, സമത്വം, ചിന്തയുടെയും പ്രവർത്തനത്തിൻ്റെയും സ്വാതന്ത്ര്യം എന്നിവ ഉറപ്പുനൽകുകയും ചെയ്യുന്നു. ഈ ഭരണഘടനാ ഗ്യാരണ്ടി ഇന്ത്യയിലും വിദേശത്തുമുള്ള എല്ലാ ഇന്ത്യൻ പൗരന്മാർക്കും വിശ്വാസത്തിൻ്റെ അനുച്ഛേദമാണ് എന്നും അദ്ദേഹം പറഞ്ഞു.
ഇന്ത്യ ഇന്ന് ശതകോടി അവസരങ്ങളുടെ നാടാണ്. ഇന്ത്യൻ സമ്പദ്‌വ്യവസ്ഥ ഇന്ന് ലോകത്തിലെ അഞ്ചാമത്തെ വലിയ സമ്പദ്‌വ്യവസ്ഥയാണ്. അടുത്ത രണ്ട് വർഷങ്ങളിൽ ഇത് മൂന്നാമത്തെ വലിയ (5 ട്രില്യൺ ഡോളർ സമ്പദ്‌വ്യവസ്ഥ) ആകും. ‘മേക്ക് ഇൻ ഇന്ത്യ, മേക്ക് ഫോർ ദ വേൾഡ്’ എന്ന ആശയവുമായി ഇന്ത്യ മുന്നേറുകയാണ്. ശാസ്ത്ര സാങ്കേതിക രംഗങ്ങളിൽ ഇന്ത്യ വമ്പിച്ച മുന്നേറ്റം നടത്തി; ആഗോളതലത്തിൽ ഇന്നൊവേഷൻ, ഇൻഫർമേഷൻ ടെക്നോളജി എന്നിവയുടെ മുൻനിര കേന്ദ്രങ്ങളിൽ ഒന്നാണ്; ‘ഫാർമസി ഓഫ് ദി വേൾഡ്’ എന്ന നിലക്ക് മനുഷ്യരാശി നേരിടുന്ന പുതിയ കാലത്തെ വെല്ലുവിളികളെ അഭിമുഖീകരിക്കുന്നതിനുള്ള ഒരു പ്രമുഖ ആഗോള പങ്കാളിയാണ്. ഇന്ന്, ഇന്ത്യ എന്നും അദ്ദേഹം പറഞ്ഞു.
