കുവൈറ്റ് സിറ്റി: പ്രവേശന നിയന്ത്രണങ്ങളുള്ള രാജ്യങ്ങളിൽ നിന്നുള്ള പൗരന്മാർക്ക് വിസിറ്റ് വിസയ്ക്ക് അപേക്ഷിക്കുന്നത് ഇപ്പോൾ ലളിതമാക്കിയിരിക്കുന്നു. രാജ്യത്ത് പ്രവേശിക്കുന്നതിൽ നിന്ന് വിലക്കപ്പെട്ടവർക്ക് ദേശീയ വിമാനക്കമ്പനിയിൽ റിട്ടേൺ എയർ ടിക്കറ്റിൻ്റെ ആവശ്യമില്ലാതെ തന്നെ സുരക്ഷാ അനുമതിക്കായി ബന്ധപ്പെട്ട വകുപ്പുകൾക്ക് അവരുടെ സന്ദർശന വിസ അപേക്ഷകൾ നേരിട്ട് സമർപ്പിക്കാം. അഫ്ഗാനിസ്ഥാൻ, ഇറാൻ, ഇറാഖ്, ലെബനൻ, പാകിസ്ഥാൻ, സിറിയ, യെമൻ, സുഡാൻ എന്നീ എട്ട് രാജ്യങ്ങളിൽ നിന്നുള്ള പൗരന്മാർക്ക് ആണ് ഉന്നതതല സുരക്ഷാ അനുമതികളോടെ മാത്രം കുവൈറ്റിലേക്ക് പ്രവേശിക്കുന്നതിന് ആഭ്യന്തര മന്ത്രാലയം നിരോധനം ഏർപ്പെടുത്തിയത്.
