കുവൈറ്റ് സിറ്റി: പള്ളികളിൽ എത്തുന്ന വിശ്വാസികളിൽ നിന്ന് പണം സംഭാവനയായി ശേഖരിക്കുന്നതിനായി അനധികൃതമായി സ്ഥാപിച്ച നാല് പെട്ടികൾ കണ്ടെത്തിയതായി സാമൂഹിക കാര്യ മന്ത്രാലയ വൃത്തങ്ങളെ ഉദ്ധരിച്ച് അൽ-അൻബ ദിനപത്രം റിപ്പോർട്ട് ചെയ്തു. ഈ പെട്ടികൾ ചാരിറ്റബിൾ ഓർഗനൈസേഷൻ്റെതല്ലെന്നും ഇതിൽ ആരുടെയും പേര് രേഖപ്പെടുത്തിയിട്ടില്ലന്നും അധികൃതർ പറഞ്ഞു. ഈ പെട്ടികളിലെ പണം കണ്ടുകെട്ടിയതായും നിയമലംഘനം രേഖപ്പെടുത്തി അന്വേഷണം ആരംഭിച്ചതായും അധികൃതർ പറഞ്ഞു.
