ഹൃദയസ്പർശ്ശം പ്രവാസി അസോസിയേഷൻ (എച്ച്‌.എസ്‌.പി.എ) സംഘടിപ്പിക്കുന്ന ഹാലാ ഫെബ്രുവരി ആഘോഷരാവ്‌ “ലിബർട്ടി-2023, മീലാദ്‌ അൽ വത്തൻ” മെഗാ ഷോ ഫെബ്രുവരി 24നു അബ്ബാസിയ ഇന്ത്യൻ സെന്റ്രൽ സ്കൂളിൽ ഉച്ചക്ക്‌ 2:00 മണിക്ക്‌ ആരംഭിക്കും..
സംഘടനയുടെ വാർഷിക സേവനങ്ങളുടെ ഭാഗമായ്‌ 5 അനാഥ പെൺകുട്ടികളുടെ വിവാഹം സഫലമാക്കുക എന്ന ലക്ഷ്യത്തോടെയാണു മെഗാപരിപാടി ആസൂത്രണം ചെയ്യുന്നത്‌ എന്ന് ചെയർമാൻ ഗഫൂർ കുന്നത്തേയിൽ, പ്രസിഡന്റ് നാസർ തളിപ്പറമ്പ്, ജനറൽ സെക്രട്ടറി സജിനി വയനാട് , പ്രോഗ്രാം കൺവീനർ മുജീബ് പുത്തനങ്ങാടി, ട്രഷറർ അബ്ദുൽ ജലീൽ എരുമേലി, പ്രസീത വയനാട്, ഷീബ എന്നിവർ വാർത്താ കുറിപ്പിൽ അറിയിച്ചു.
ഉച്ചയ്ക്ക്‌ 2 മണിക്ക്‌ ആരംഭിക്കുന്ന കലാപരിപാടികൾക്ക് ശേഷം വൈകീട്ട്‌ 5:00 മണിക്ക്‌ സാംസ്കാരിക സമ്മേളനം ആരംഭിക്കും. തുടർന്ന് നാട്ടിൽ നിന്നും വരുന്ന പ്രശസ്ത കൊമേഡിയന്മാരായ ജയദേവൻ കലവൂർ, കേശവൻ മാമൻ, ശിവ മുരളി , പിന്നണി ഗായിക അനു ജോസഫ്, ഗായകൻ ജോബി ജോൺ എന്നിവർ കാണികൾക്ക്‌ മ്യൂസിക്ക്‌- കോമഡി പരിപാടികൾ അരങ്ങൊരുക്കും. കുവൈത്തിലെ എല്ലാ സ്നേഹനിധികൾ ആയ പ്രവാസികളെയും പരിപാടിയിലേക്ക്‌ ക്ഷണിക്കുന്നതായ്‌ സംഘാടകർ അറിയിച്ചു.
