കുവൈറ്റ് സിറ്റി: 60 വയസ്സിന് മുകളിൽ പ്രായമുള്ള ബിരുദധാരികളല്ലാത്ത പ്രവാസികൾക്ക് ആരോഗ്യ ഇൻഷുറൻസ് പോളിസി നൽകാൻ അർഹരായ 11 കമ്പനികളുടെ ലിസ്റ്റ് ഇൻഷുറൻസ് റെഗുലേറ്ററി യൂണിറ്റ് പ്രസിദ്ധീകരിച്ചു.
കമ്പനികളുടെ പേരുകൾ :
കുവൈത്ത് ഇൻഷുറൻസ്, ഗൾഫ് ഇൻഷുറൻസ്, അൽ അഹ്‌ലിയ ഇൻഷുറൻസ്, വാർബ ഇൻഷുറൻസ്, ഗൾഫ് ഇൻഷുറൻസ്, റീഇൻഷുറൻസ്, ഇന്റർനാഷണൽ തകാഫുൾ ഇൻഷുറൻസ്, ഇലാഫ് തകാഫുൾ ഇൻഷുറൻസ്, ബൗബ്യാൻ തകാഫുൾ ഇൻഷുറൻസ്, ബൈതക് തകാഫുൾ ഇൻഷുറൻസ്, അറബ് ഇസ്‌ലാമിക് തകാഫുൾ ഇൻഷുറൻസ്, എനയ ഇൻഷുറൻസ് കമ്പനി
കമ്പനികളുടെ അംഗീകാരത്തിന് ആവശ്യമായ വ്യവസ്ഥകൾ മേൽപ്പറഞ്ഞ സ്ഥാപനങ്ങൾ പാലിച്ചിട്ടുണ്ടെന്ന് ഇൻഷുറൻസ് റെഗുലേറ്ററി യൂണിറ്റ് (IRU) പറഞ്ഞു.
വ്യവസ്ഥകൾ:
– ഇൻഷുറൻസ് ബിസിനസിൽ ഏർപ്പെടാൻ IRU ലൈസൻസ് ഉള്ള ഒരു കുവൈറ്റ് ഷെയർഹോൾഡിംഗ് കമ്പനിയായിരിക്കും അത്
– സ്വന്തം നെറ്റ്‌വർക്കുകൾ വഴി ആരോഗ്യ ക്ലെയിമുകൾ കൈകാര്യം ചെയ്യാനും ഇതിന്റെ തെളിവ് IRU-ലേക്ക് സമർപ്പിക്കാനും സാധിക്കണം , അല്ലെങ്കിൽ (ആരോഗ്യ) ഇൻഷുറൻസ് ക്ലെയിം മാനേജ്‌മെന്റ് കമ്പനികളിൽ ഒന്നുമായി കരാർ ഉണ്ടായിരിക്കണം.
_ കമ്പനിക്കെതിരെ പുറപ്പെടുവിച്ച എല്ലാ അന്തിമ ജുഡീഷ്യൽ വിധികളും പൂർണ്ണമായും തീർപ്പാക്കിയിരിക്കണം,
– ഹെൽത്ത് ക്ലെയിംസ് മാനേജ്‌മെന്റ് കമ്പനിയുടെയും ആരോഗ്യ സേവന ദാതാക്കളുടെ ശൃംഖലയുടെയും എല്ലാ സാമ്പത്തിക ബാധ്യതകളും അടയ്ക്കാൻ പ്രതിജ്ഞാബദ്ധനായിരിക്കണം
– IRU നിർണ്ണയിക്കുന്ന മറ്റേതെങ്കിലും വ്യവസ്ഥകൾ.
മുൻ വ്യവസ്ഥകളിൽ ഏതെങ്കിലും പാലിച്ചിട്ടില്ലെന്ന് തെളിയിക്കപ്പെട്ടാൽ, അംഗീകൃത ലിസ്റ്റിൽ നിന്ന് കമ്പനിയുടെ ലിസ്‌റ്റിംഗ് റദ്ദാക്കാൻ IRU-ക്ക് അവകാശമുണ്ട്.
