മഞ്ഞപ്പടയുടെ നേതൃത്വത്തിൽ ആവേശകരമായി ഇന്ത്യൻ കാണികൾ

കുവൈറ്റ് ജാബിർ സ്റ്റേഡിയത്തിൽ നടന്ന ഇന്ത്യ- കുവൈറ്റ് ഫിഫ വേൾഡ് കപ്പ്
2026 യോഗ്യത മത്സരം കാണുന്നതിനും ഇന്ത്യൻ ടീമിനെ പിന്തുണയ്ക്കുന്നതിനും
എത്തിച്ചേർന്ന ഇന്ത്യൻ ആരാധകരുടെ സാഗരത്തെയാണ് ജാഫർ സ്റ്റേഡിയം
സാക്ഷ്യം വഹിച്ചത്.
ഇന്ത്യയിലെ ഏറ്റവും വലിയ ഫാൻ ക്ലബ്ബ് ആയ മഞ്ഞപ്പടയുടെ കുവൈറ്റ്
വിങ്ങ് കുവൈറ്റിന്റെ എല്ലാ ഭാഗങ്ങളിൽ നിന്നും യോഗ്യതാ മത്സരം കാണാൻ
ആഗ്രഹിക്കുന്ന മുഴുവൻ ഇന്ത്യൻ ഫുട്ബോൾ ആരാധകരെയും സ്റ്റേഡിയത്തിൽ
എത്തിക്കുന്നതിന് ടിക്കറ്റ് ബുക്കിംഗ് മുതൽ സ്റ്റേഡിയത്തിലേക്കുള്ള വാഹന
സൗകര്യം വരെയുള്ള വിപുലമായ സജ്ജീകരണങ്ങളാണ് ഏർപ്പെടുത്തിയത്.
യോഗ്യത മത്സരത്തിനായി കുവൈറ്റിൽ എത്തിച്ചേർന്ന ഇന്ത്യൻ ടീമിനെ
വിമാനത്താവളത്തിൽ ആശംസ കാർഡുകളും ബോക്കെയും നൽകി ഇന്ത്യൻ
ആരാധകർ സ്വീകരിച്ചത് മഞ്ഞപ്പട കുവൈറ്റ് വിങ്ങിന്റെ നേതൃത്വത്തിൽ
ആയിരുന്നു.
മഞ്ഞപ്പടയുടെ നേതൃത്വത്തിൽ നൽകിയ ഇന്ത്യൻ ജേഴ്സി അണിഞ്ഞ് ഇന്ത്യൻ
പതാകയും ഏന്തി സ്റ്റേഡിയത്തിൽ തിങ്ങിനിറഞ്ഞ  ആരാധകർ കളത്തിൽ
ഇറങ്ങിയ ഇന്ത്യൻ കളിക്കാർക്ക് ഇന്ത്യയിലെ ഏതോ സ്റ്റേഡിയത്തിൽ കളി
നടക്കുന്ന പ്രതീ തിയാണ് നൽകിയത്. ടീമിനെ പിന്തുണയ്ക്കുന്ന ബാനറുകളും
പോസ്റ്ററുകളും ഏന്തി ആവേശ തിരയിളക്കിയ ആരാധകർ ഇന്ത്യൻ ടീമിന്
നൽകിയ മനോവീര്യം കുറച്ചൊന്നുമല്ല.
പ്രതികൂല കാലാവസ്ഥയിലും ഇന്ത്യൻ പ്രവാസമൂഹ്യം മാതൃരാജ്യത്തെയും
ഇന്ത്യൻ ഫുട്ബോളിനെയും സ്നേഹിക്കുന്നതിന്റെ നേർചിത്രമായി മാറി
സ്റ്റേഡിയത്തിലേക്ക് ഒഴുകിയെത്തിയ ആരാധക സഞ്ചയം