ടോകിയോ: ഒളിംപിക്സില് ഇന്ത്യയുടെ മെഡല്‍ പ്രതീക്ഷകളില്‍ ഒരാളായ മേരി കോം 48-51 കിലോ വിഭാഗം വനിതകളുടെ ബോക്സിങ്ങില്‍ പ്രീ ക്വാര്‍ട്ടറില്‍ പ്രവേശിച്ചു. ഡൊമിനിക്കന്‍ റിപ്പബ്ലിക്കിന്റെ മിഗ്വേലിന ഗാര്‍സിയ ഹെര്‍ണാണ്ടസിനെ പരാജയപ്പെടുത്തിയാണ് മേരി കോം പ്രീ ക്വാര്‍ട്ടര്‍ ഉറപ്പിച്ചത്. സ്‌കോര്‍ 4-1.
വനിതാ ബോക്സിംഗില്‍ ആറുതവണ ലോക ചാമ്പ്യനായ വ്യക്തിയാണ് മേരി കോം. ലണ്ടന്‍ ഒളിംപിക്സില് വെങ്കലം നേടിയിരുന്നു. തന്റെ വിടവാങ്ങല്‍ പോരാട്ട വേദിയില്‍ സ്വര്‍ണത്തിളക്കത്തിനായാണ് ഇത്തവണ അവര്‍ ഇറങ്ങുന്നത്.
