കുവൈത്ത് സിറ്റി: കോഓപ്പറേറ്റീവ്‌ സൊസൈറ്റികളിലെ തൊളിലാളികള്‍ക്ക്‌ പ്രതിരോധ കുത്തിവെപ്പ്‌ നല്‍കുന്നതിനാവശ്യമായ നടപടികളെല്ലാം പ്രത്യേക മെഡിക്കല്‍ സംഘം പൂര്‍ത്തിയാക്കിയതായി അല്‍ ഖബാസ്‌ ദിനപത്രം റിപ്പോര്‍ട്ട്‌ ചെയ്തു. പ്രസ്‌തുത സംരംഭങ്ങളില്‍ തൊഴിലെടുക്കുന്നവരെ കോവിഡ്‌ വാക്‌സിനേഷനുള്ള മുന്‍ഗണനാ വിഭാഗങ്ങളില്‍ ഉള്‍പ്പെടുത്തി. ഇവര്‍ ദിനേന പൊതുജനങ്ങളുമായി സമ്പര്‍ക്കത്തില്‍ വരുന്നത്‌ പരിഗണിച്ചാണിത്‌. 70 സഹകരണ സ്ഥാപനങ്ങളിലെ തൊഴിലാളികള്‍ക്കാണ്‌ കുത്തിവയ്‌പ്പ്‌ നല്‍കേണ്ടത്‌. ഇതിന്‌ ഉചിതമായ സംവിധാനം കണ്ടെത്തുന്നതിനായി അസോസിയേഷന്‍ യൂണിയനുകളും സാമൂഹികകാര്യ മന്ത്രാലയവുമായി ചേര്‍ന്ന്‌ പ്രവര്‍ത്തിക്കുന്നുണ്ട്‌.
