കുവൈത്ത് സിറ്റി: ദേശീയ അസംബ്ലിയുടെ ഇന്റീരിയർ, ഡിഫൻസ് കമ്മിറ്റി രാജ്യത്തെ താമസ നിയമത്തിലെ സുപ്രധാന ഭേദഗതികളിൽ വോട്ട് ചെയ്യാൻ ഒരുങ്ങുകയാണ്.നിക്ഷേപകർക്ക് 15 വർഷത്തെ റെസിഡൻസി നൽകുന്നത് ഉൾപ്പെടെയാണിത്. നിയമപരമായ റസിഡൻസി പെർമിറ്റുള്ള പ്രവാസികളെ സുരക്ഷാ അല്ലെങ്കിൽ പൊതുതാൽപ്പര്യ കാരണങ്ങളാൽ അല്ലെങ്കിൽ അവർക്ക് യഥാർത്ഥനിയമാനുസൃതമായ വരുമാന സ്രോതസ്സ് ഇല്ലെങ്കിൽ നാടുകടത്താനുള്ള അധികാരം ഇതിലൂടെ ആഭ്യന്തര മന്ത്രാലയത്തിന് ലഭിക്കും . അവർ സ്പോൺസർ ചെയ്ത കുടുംബാംഗങ്ങളെയും നാടുകടത്തിയേക്കാം
സ്വാഭാവിക പൗരത്വമില്ലാത്ത കുവൈത്ത് സ്ത്രീകൾക്ക് അവരുടെ കുട്ടികളെയും വിദേശികളായ ഭർത്താക്കന്മാരെയും 10 വർഷത്തെ താമസത്തിനായി സ്പോൺസർ ചെയ്യുന്നതുമായി ബന്ധപ്പെട്ട ഭേദഗതിയുമുണ്ട്.
വിദേശികളായ വിധവകൾക്കും കുവൈറ്റ് ഭർത്താവിൽ നിന്ന് വിവാഹമോചിതരായ ആ ബന്ധത്തിൽ കുട്ടികൾ ഉള്ളവർക്കും സ്‌പോൺസറുടെ ആവശ്യമില്ലാതെ സ്ഥിരതാമസത്തിന് അപേക്ഷിക്കാനും പുതിയ നിയമത്തിൽ ഇളവുണ്ട് . രാജ്യത്ത് റിയൽ എസ്റ്റേറ്റ് കൈവശാവകാശമുള്ള കുവൈറ്റിലെ സ്ത്രീകളുടെയും വിദേശികളുടെയും മക്കൾക്ക് പത്ത് വർഷം വരെ റെസിഡൻസി നൽകാനും ഇതിൽ പറയുന്നുണ്ട്.
